एगो कुकुर आ अतना कुकुरबझाँव (भउजी हो)

by | Jul 12, 2013 | 0 comments

भउजी हो!

का बबुआ?

आजु एगो नेता के बयान के एगो टुकड़ा पर देश भर के कुकुर एकजुट हो के कुकुरबझाँव करे में लाग गइल बाड़ें.

काहे बबुआ ? कुकुरन के वोट देबे के अधिकार मिल गइल बा का?

ना भउजी. बात कुकुरन के बोट के नइखे, कुकुर के बच्चा के कचराए के बा.

ओह ओह, कइसे कचरा गइल? कहवाँ ?

अरे भउजी देखऽ तोहरा खाली ई बाति सुन के अतना दुख हो गइल. बाकिर कुकुर ह कवन चीझु? कुकुरन खातिर अतना मोह काहे?

ए बबुआ अइसन काहे कहत बानी? कुकुरो जीव हऽ, उहो भगवान के जनमावल ह. ओकरो दुख तकलीफ होला.

बाकिर भउजी, देश भर के कुकुर खिसियाइल बाड़ें कि एगो आदमी कुकुरन के चरचा आदमी के मामिला में काहे कइलसि. आदमी के तुलना कुकुरन से काहे कइलसि?

ई त बड़ा गजब बाति बा. अब आदमी कुकुर के कचरइला पर दुखो मत जतावे.

हरान त हमहू बानी भउजी. बाकिर लागत बा कि ओह नेता के कुकुरन से माफी माँगही के पड़ी.

ए बबुआ भाजपाई त बरीसन से मनमोहन सिंह से इस्तीफा माँगत बाड़े, भेंटा गइल का? त फेर ऊ नेता माफी काहे माँगी? ऊ कइलसि का जे ओकरा माफी माँगे पड़े?

लोग कहत बा ओकरा राज में दंगा भइल त ओकरा माफी मांगे के चाहीं.

ए बबुआ तनी हमरो के बताईं कि कवना राज में आ केकरा राज में कबो ना कबो दंगा नइखे भइल? का सभे माफी माँग लिहलसि? का हर जगहा  ओतने आनन फानन में दंगा पर काबू पावे के कोशिश भइल?

ई त हमरा सेकूलर मीडियावालन से पूछ के बतावे के पड़ी.

ठीक बा. तले ले इंतजार कर लेब. राउर इंतजार करे के त अब आदत पड़ गइल बा.

अरे भउजी, आखिरी बॉल पर छक्का मारिये दिहलू. चलऽ एही बात पर एक कप चाय पिया द.

चलीं.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up