खजाना कहाँ रहेला

by | Apr 1, 2010 | 0 comments

– जयन्ती पाण्डे

बाबा लस्टमानंद से राम चेला पूछलें कि बाबा हो, लक्ष्मी के भंडार, माने जे सरकार के खजाना कहल जाला ऊ असल में कहाँ रहेला? महँगाई में सबसिडी देबे के होला त सरकार अंगूठा देखा के कह देले कि खजाना खाली बा, कहाँ से दिआई?

बाबा कहलें, खजाना सरकार का लगे ना रहे जी. होखे के असहीं चाहीं बाकिर होला ना. गलतफहमी रहेला कि खजाना सरकार का लगे रहेला. एहिसे लोग तरह तरह के माँग करेला कि स्कूल चाही, अस्पताल, सड़क, बिजली, पानी, अउर ना जाने का का चाहीं. अब जनता के का मालूम कि खजाना सरकार का लगे ना रहेला. तब लोग सोचेला कि सरकार का लगे नइखे त नेतवन का लगे होखे के चाहीं. नेता जे मधुकोड़ा टाइप होखौ त विश्वासो हो जाला कि हँ, खजाना नेतवने का लगे होला. जब से नेता लोग करोड़पति होखे लागल तब से ई विश्वास अउरी पक्का हो गइल कि खजाना सांचो नेतवन के लगे होला. हो सकेला ई देश मे न होत होई त हो सकेला कि स्विस बैंक में होखो.

ई तय बा कि खजाना सरकार का लगे ना होला, एने पता चलल कि खजाना नेतवन का लगे भले मत होखो, सरकारी अफसरनन का लगे जरुर होला. लोग ऊ लोगन के सरकार के नौकर समुझेला. जनता के सेवक समुझत रहेला आ ऊ लोग खजाना के आपन करत रहेला, सरकार खोजत रह जाले कि खजाना रहे त जरूर बाकिर गइल कहाँ? ना मिलेला त घोषणा हो जाला कि खजाना खाली बा. खुद सरकार अइसन घोषणा ना करे काहे कि आखिर लाजो त एगो चीज होला. अपना मुँह से कइसे कहे कि खजाना खाली बा. लोग का कही कि देखऽ खजाना खाली क दिहलसि. जनता बिया कि आपन पेट काट के खजाना भरत रहेले आ सरकार बिया कि खजाना खाली क देतिया. चाहे खुद बदहजमी काहे ना हो जाव. एहसे सरकार खुद त अइसन घोषणा ना करे बाकिर बाद में आवे वाली सरकार जरुर कह देले कि खजाना खाली बा. ई बात से सरकार इहो बता देले है कि भाई, पछिलकी सरकार आप सभे गलत चुनले रहीं. ऊ बड़ा पेटू रहे. देखीं खजाना खाली क गइल. ई दोष हमार ना हऽ आप सबके हऽ. अब जे गलती आप सभे के रहे त आपही भरीं. टैक्स दीं सभे. खजाना भरीं.

बाकिर जरूरी ना कि सब सरकार अइसने मुँहफट होखो. कई सरकार अइसनो होले जे शालीनता से कह देले कि देखीं सभे, सरकार का लगे पइसा नइखे. एहसे विदेशी निवेश नेवते के पड़ी. सरकारी कंपनियन के विनिवेश करे के होई. पब्लिक प्राइवेट भागीदारी चलावे के होई. ओकरा बिना ना हम स्कूल खोल सकीलें, ना अस्पताल. ना रेल चला सकीं ना बस. ना बिजली दे सकीं ना पानी. सड़क त बिल्कुले ना बनवा सकीं. ई हमनी के मजबूरी हऽ. हम खूशी से अइसन नइखीं करत. पर ई ना करब त जनकल्याण ना होई. आ चूंकि जनकल्याण जरुरी बा, एही से ई कइलो जरुरी बा.

एहसे कई लोगन के कल्याण हो जाला. सरकार के, नेता सब के, अफसरान के, सेठन के, ठीकेदारन के, इहां तक ले कि विदेशी कंपनियो तक के कल्याण हो जाला. जनता सोचते रह जाले कि भाई कल्याण त हमार होखे के रहे, बाकिर हमरा अलावे सबके हो गइल.


लस्टम पस्टम के पुरान रचना

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up