चंद्रबाबू जतवलें भाजपा नेता लोगन से आपन नाराजगी

अमरावती 06 मार्च (वार्ता). आंध्र प्रदेश के मुख्यमंत्री एन चन्द्र बाबू नायडू एह बाति पर नाराज हो गइल बाड़ें कि आंध्र प्रदेश पुनर्गठन अधिनिमय 2014 के प्रावधानन के पूरा करे बदे निशेष राज्य के दर्जा देबे में केन्दमर के आनाकानी पर राज्य विधानसभा में भाजपा नेता बेकार के दलील देत बाड़ें. कहलन कि चूंकि तेलुगू देशम पार्टी केन्द्र में राष्ट्रीय जनतांत्रिक गठबंधन सरकार के सहयोगी बिया, एहसे अपना के रोकत बाड़ें. ना त इृअउरी पुरहर विरोध करतें.

चन्द्र बाबू कहलें कि प्रदेश भाजपा नेता लोग के दिल्ली जा के अपना केन्द्रीय नेता लोग से बाति करे के चाहीं.

इहो कहलन कि बहुते संयम का साथ ऊ अबले एह मामिला में 29 बार दिल्ली जा चुकल बाड़ें. चन्द्र बाबू के कहना बा कि ऊ एह मुद्दन पर चरचा करे ला अपना गोल के प्रतिनिधिमंडल केन्द्रीय वित्त मंत्री अरुण जेटली किहां भेजले रहलन. बाकिर ओहसे कुछ खास निकल के सामने नइखे आइल.

मुख्यमंत्री साफ कहलन कि ऊ राज्य का हित से समझौता ना करीहें. उनुकर कहना रहल कि तेदेपा आ भाजपा के एक दोसरा के आलोचना ना करे के चाहीं आ सभहीं के कोशिश करे के चाहीं कि आंध्र के केन्द्र से उचित लाभ मिले.

मुख्यमंत्री सदन में बतवलें कि – आंध्र प्रदेश के विशेष श्रेणी के राज्य के दर्जा तेलुगू लोग के भावना से जुड़ गइल बा आ अइसन ना होखले से ओह लोग के पीड़ा हो रहल बा. योद करवलन कि कांग्रेस जनता के भावना नजरअंदाज कइलसि, राज्य के बँटवारा करा दिहलसि आ एही से ओकरा हारे के पड़ल. कहलन कि ऊ त विशेष राज्य का बदले विशेष पैकेजो पर सहमत हो गइलें.