टटका खबर, शुक, वैशाख अन्हरिया चतुर्थी, 2078 विक्रमी

by | Apr 30, 2021 | 0 comments

पश्चिम बंगाल समेत चार राज्य आ एगो केंद्र शासित प्रदेश पुड्डुचेरी में भइल विधानसभा चुनावन के एक्जिट पोल में भाजपा के तीन विधानसभा में मिलल बढ़त सामने आइल बा. करीब करीब सगरी पोलहा अंदाज लगवले बाड़ें कि ओहिजा भाजपा के बड़हन बढ़त मिलल बा. पिछला बेर तीने सीट जीत पावे वाली भाजपा अबकी सरकार बनावे के हैसियत पा सकेले. असम में सरकार चला रहल भाजपा नीत गठबन्हन के फेरु जीतल एकदम तय मानल जा रहल बा काहें कि सगरी पोलहा एकरा पर एकमत बाड़ें. अइसने एकमत पुड्डुचेरी में लउकत बा. ओहिजो भाजपा नीत गठबन्हन के जीत तय मानल जा रहल बा. राहुल जवना राज्य में आपन पूरा ताकत झोंकले रहुवन ओह राज्य केरलो में उनकर गठबन्हन के लोग उठा के महासागर में फेंक दिहले बा. केरल में हर चुनाव में सरकार बदलत आवत रहुवे आ एही उमेद से राहुल बबुआ के केरल में सिपहसालार बनावल गइल रहुवे कि जीत के सेहरा उनुका माथे बान्हल जाई. बाकिर लागत बा कि ओहिजो उनुका ला हरदिए के इन्तजाम बा. तमिलनाडु में द्रमुक के जीत तय मानल जा रहल बा.

प्रदेश के प्राथमिक शिक्षक संघ के दावा बा कि यूपी पंचायत चुनाव में लागल लगभग 706 शिक्षकन के मौत हो गइल बा. संघ एकर जिलावार सूची चुनाव आयोग के सँउप के कहले बावे कि मतगणना के रोक दीहल जाव आ अउरी लोग के मौत के रोकल जाव. एह खबर पर विपक्ष उछल पड़ल बा आ प्रदेश सरकार के आलोचना करे में लाग गइल बा. एही बीच काल्हु भइल पंचायत चुनाव के चउथका आ आखिरी डेग के चुनाव करा लीहल गइल. एह डेग में 75 प्रतिशत मतदान के खबर बा.

पश्चिम चम्पारण जिला के मनुआपुल इलाका के नरकटियागंज- बेतिया मेन रोड पर कुड़िया कोठी मैदान से एगो अनजान नवही के लाश बरामद भइस बा. ओहिजे एगो मोटरसाइकिलो पड़ल मिलल बा. लाश के गरदन काटल गइल बा एहसे ई एक्सीडेंट के मामिला ना हो सके.

काल्हु भइल आईपीएल क्रिकेट के दू गो मैचन में पहिला मैच में मुम्‍बई इंडियन्‍स राजस्‍थान रॉयल्‍स के सात विकेट से हरवलसि. दुसरको मैच में डेल्‍ही कैपिटल्‍स साते विकेट से कोलकाता नाइट राइडर्स के हरा दिहलसि.

देश के शेयर बाजार में वायदा बाजार के साप्ताहिक आ मासिक बंदी का दिने बियफे के उतार-चढ़ाव का बीच लगातार चउथका दिने बढत दर्ज भइल. सेंसेक्स में 32 अंक आ निफ्टी में 30 अंक के बढ़त दर्ज भइल. एहसे लागत बा कि निवेशकन में कोरोना से निपट लेबे के उमेद जिन्दा बा.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up