टटका खबर, सोमार, ५ अप्रैल

by | Apr 5, 2010 | 0 comments

महिला आरक्षण विधेयक पर सर्वदलीय बईठका

महिला आरक्षण विधेयक के खिलाफ विरोधी दलन के आशंका खतम करे का उद्देश्य से आजु सर्वदलीय बईठका बोलावल गइल बा. सरकार के कोशिश बा कि विधेयक में अड़ंगा मत लगावल जाय आ एकरा के जस का तस पारित करा दिहल जाव. ओने यादव तिकड़ी अड़ल बिया कि जबले कोटा का भीतर कोटा ना दिहल जाई तबले विधेयक के विरोध जारी रही.

जहरीली शराब पियला से फेरु भइल मौत

आये दिन कहीं ना कहीं जहरीली शराब का चलते होखे वाली मौत के सिलसिला चलते रहेला. बनारस आ भदोही में फेर एहसे नौ गो मौत के बर आइल बा. कुछ आबकारी कर्मचारियन के निलम्बित कर दिहल गइल बा. एगो महिला प्रधान समेत तीन लोग के गिरफ्तारो कर लिहल गइल बा जे शराब बेचे का नाजायज काम में लागल रहे. एहसे पहिले १७ फरवरी के बनारस में जहरीली शराब से २७ जने के मौत भइल रहे.

नीतीश पासवान जाति के भरोसा दिहलन

बिहार सरकार का महादलितन में पासवान छोड़ सगरी अनुसुचित जाति शामिल बाड़ी स आ बस पासवाने जाति रह गइल बा दलित में. एह चलते रामविलास पासवान सरकार पर अनुसुचित जाति एकता तूड़े के आरोप लगावेलें. काल्हु बाबा चुहरमल जयन्ती में शामिल नीतीश पासवानन के भरोसा दिअवलन कि ओह लोग के पूरा ध्यान राखल जाई. पटना में भोला पासवान शास्त्री के मूर्ति लगावे के एलानो कइलें.

दीक्षान्त समारोह के गाउन पर बखेड़ा बढ़ चलल बा

दीक्षान्त समारोह में उपाधि देबेवाला आ लेबेवाला लोग के पारम्परिक गाउन के मध्ययुगीन बर्बरता के प्रतीक बता के उतार फेंके वाला केन्द्रीय मंत्री जयराम रमेश का खिलाफ अब ईसाई समूह उनका से माफी माँगे के कहले बा, कहत बा लोग कि जयराम रमेश ईसाईयन के अपमान कइले बाड़े. जबककि बात सही बा कि भारत में एह ईसाई परम्परा के चलावत रहला के कवनो जरुरत नइखे.

पोप पर लड़िकन का साथे गलत आचरण करे वाला के बचावे के आरोप

अपना कार्यकाल में दिवंगत पोप जॉन पॉल द्वितीय एगो कार्डिनल का खिलाफ जाँच में अड़ँगा लगवले रहलें. ऊ कार्डीनल कम से कम दु हजार लड़िकन के यौन शोषण कइले रहे. ऊ कार्डिनल पोप के दोस्त रहलें आ दोस्ती में हजार खून माफ कर दिहल मानवीठ स्वभाव ह. बाकिर एह मामिला के सामने अइला से पोप जॉन पॉल के संत के दर्जा मिले में दिक्कत आ सकेला.

निजी क्षेत्र के कर्मचारियन के एक लाख के बीमा

भविष्य निधि खाता पर अब निजी क्षेत्र के कर्मचारियन के एक लाख रुपया के जीवन बीमा मिलल करी. पहिले ई सीमा साठ हजार रुपिया के रहे. भविष्य निधि के कुछ हिस्सा के शेयर बाजार में लगावे के प्रस्तावो पर विचार हो रहल बा जेकरा खिलाफ कर्मचारी संगठन एकजुट हो रहल बाड़े.

गोविन्दोचार्य आपन संगठन छोड़लें

कभी भाजपा के लिविंग कंप्यूटर कहल जाये वाला गोविन्दाचार्य अपने बनावल संगठन राष्ट्रीठ स्वाभिमान आन्दलन के संयोजक का पद से इस्तीफा दे के दिल्ली गइल बाड़े. कुछ दिन पहिले उमा भारतीओ अपने बनावल पार्टी से इस्तीफा दे दिहले रहली आ ओहि दिन से चर्चा रहुवे कि गोविन्दोचार्य उहे राह पकड़ सकेलें.

बलिया के खाद्यान्न घोटाला में १०५ जने पर मुकदमा

करोड़ों के खाद्यान्न घोटाला में १०५ जने पर केस दर्ज करावे के खबर सामने आइल बा. आरोपी भूमिगत हो गइल बाड़े. केस मजबूत बनावे खातिर कोटेदारन के गवाह बना लिहल गइल बा आ सचिव, ग्राम विकास पदाधिकारी, आ पंचायत विकास पदाधिकारी पद पर रहल १०५ लोग के आरोपी बनावल गइल बा.

नक्सली हमला में १० गो जवान के मौत

एक तरफ केन्द्रीय गृहमंत्री पी चिदम्बम लालगढ़ में माओवादियन के बात करे के नेवता देत रहलें त दोसरा तरफ नक्सली उड़ीसा में विस्फोट कर के दस गो पुलिस जवानन के जान ले लिहलें. कहल जा रहल बा कि नक्सली समूह अब बड़का शहरन में आपन अड्डा बनावे का कोशिश में लागल बाड़े जेहसे ओह शहरन पर हमला करे में सुभीता हो पावे.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up