टटका खबर, सोमार, ७ जून

by | Jun 7, 2010 | 0 comments

अफजाल गुरु के फाइल दबावे खातिर गृहमंत्री कहले रहले

दिल्ली के मुख्यमंत्री शीला दीक्षित एगो टीवी चैनल पर बात करे का दौरान कहली कि अफजाल गुरु के फाँसी वाला फाइल दबावे के तबके गृहमंत्री शिवराज पाटिल कहले रहलें. संकेत रहे कि केन्द्र के कतनो मेमो जाव कुछ जवाब नइखे देबे के. सबले कमाल के बात रहे कि खुद गृहेमंत्रालय से हर तीसरा महीना दिल्ली सरकार के मेमो भेजात रहे. अब एह खुलासा का बाद केन्द्र सरकार कइसे आपन फजीहत बचाई? बाकिर गेंडा के चमड़ी पर छोट मोट बात के कवनो असर होखी त कइसे?

हम तब ले संप्रग ना छोड़ब जब ले निकाल ना दिहल जाइब

ममता बनर्जी कहले बाड़ी कि उनकर पार्टी संप्रग के सबले ईमानदार घटक ह आ पूरा पाँच साल ले ओकरा साथे बनल रही. अगर संप्रग से उनका पार्टी के हटा दिहल जाव भा वामपंथियन के सहयोगी बना लिहल जाव तब बात दूसर बा. बंगाल में नगरपालिका चुनाव में कांग्रेस के अनदेखी करियो के जीत देखा के ममता के ताकत वइसहीं बढ़ गइल बा आ कांग्रेस उनका पर विधानसभा चुनाव में गठबन्हन करे खातिर दबाव ना डाल पाई. उहे होखी जवन ममता चहीहें. काश ऊ जल्दी कोलकाता चल जइती त कम से कम रेलवे के कल्याण हो जाइत.

ललकी साड़ी कांग्रेसियन के परेशान कर दिहले बिया

स्पेनिश में लिखल सोनिया गाँधी पर कहानी एल सारी रोजो, मतलब लाल साड़ी, के पढ़ला का बाद कांग्रेसी ओहि तरहा भड़क उठल बाड़े जइसे लाल कपड़ा देख के साँढ़ भड़केला. ऊ किताब लिखे वाला जेवियर मोरो जानल चाहत बाड़न कि कांग्रेस में के स्पेनिश भाषा के जानकार बा जे किताब पढ़ के राय बना लिहलस. कहत बाड़न कि जब किताब हिन्दुस्तान का बाजार में अइबे ना कइल त एह लोग के मिलल कइसे. कांग्रेसियन के कहनाम बा कि एह किताब में सोनिया गाँधी का बारे में झूठ के पुलिन्दा बा आ कई गो अपमान करे वाली बात बा जवना चलते एह किताब पर प्रतिबन्ध लगा दिहल जाव.

भोपाल गैस त्रासदी के आठो आरोपियन के कसूरवार मानल गइल

छब्बीस साल पहिले भोपाल के यूनियन कार्बाइड का कारखाना में जहरीला गैस के रिसाव से पन्द्रह हजार लोग के जान चल गइल रहे आ कई हजार लोग आज ले ओह घटना के दंश झेलत बाड़न. अब जा के एह मामिला में लोकल कोर्ट से आठ गो आरोपियन के कसूरवार ठहरावल गइल बा. सजा बाद में सुनावल जाई. बाकिर एह आठ में असली कातिल वारेन एंडरसन के कवनो जिक्र नइखे जवना के कोर्ट भगोड़ा घोषित कर दिहले रहे.

पटना में होखे जा रहल भाजपा कार्यकारिणी के बईठका

नरेन्द्र मोदी आ वरुण गाँधी के भाजपा के बईठका का बहाने पटना आवे आ गाँधी मैदान में भाषण देबे के मौका मिले जा रहल बा. दोसर खास खबर ई बा कि एह बईठका में आवे वाला सगरी प्रतिनिधियन के मुख्यमंत्री नीतीश कुमार अपना आवास पर भोज दीहें. पिछला चुनाव का बेरा एह लोग के बिहार में ना बोलावे खातिर जदयू कहले रहे जवना के भाजपा मान लिहले रहे. अबही शायद चुनाव में कुछ महीना बाकी बा एह से वोटरन के भड़के के अनेसा नइखे जदयू के.

युवा राजद गुण्डा पाले में अकेला नइखे

लोग लालू के चाहे जतना बदनाम कर लेव, एह मामिला में राजद अकेला पार्टी नइखे. भाजपा, कांग्रेस, जदयू सबका आफिस में हंगामा आ बवाल होत आइल बा. जदयू नेता शिवानन्द तिवारी कहले बाड़न कि राजनीति में गुण्डा तत्व भरे के शुरुआत इंदिरा गाँधी के जमाना में भइल रहे आ तबसे ई बेमारी हर पार्टी के अपना चपेट में ले लिहले बिया. एहसे एकर जिम्मेदार कांग्रेसे बिया.

पूर्व राजद विधायक पप्पू खान के उमिर कैद

बिहार शरीफ से राजद के विधायक रहल पप्पू खान आ ओकरा दू गो साथियन के आलोक कुमार उर्फ लोकना नाम के एगो युवक के अपहरण आ हत्या का आरोप में उमिर कैद के सजा सुनावल गइल बा. पप्पू खान पहिलही से कुछ दोसरो मामिला में जेल में बन्द बा. एह तीनो पर दस दस हजार के जुर्मानो लगावल गइल बा.

शरद पवार इस्तीफा ना दीहें

रा्ष्ट्रवादी कांग्रेस पार्टी अपना नेता शरद पवार के इस्तीफा के माँग नकार दिहले बिया आ अइसन माँग के वाहियात बतवले बिया. शरद पवार आ उनका परिवार का लगे ओह कंपनी के सोलह फीसदी शेयर बा जवन पुणे टीम खातिर बोली लगवले रहुवे. अभ इहो मालूम भइल बा कि रायल चैलेंजरो में उनकर शेयर बा. पार्टी के कहनाम बा कि छोट शेयर होल्डर के कंपनी के फैसला भा काम के दोषी ना ठहरावल जा सके. विपक्ष एह मामिला पर संयुक्त संसदीय समिति से जाँच करावे के माँग कइले बा.

शेयर बाजार फेर धराशायी

आजु फेर शेयर बाजार में बिकवाल भारी पड़ गइले बाकिर रिलायन्स के २६ फीसदी हिस्सेदारी बेचे के खबर से ओकरा शेयरन में गजब के तेजी देखे के मिलल. सेंसेक्स में शामिल तीस गो कंपनी में से रिलायन्स कम्यूनिकेशन अकेली कंपनी बिया जवना के शेयर में तेजी आइल बा.

तीन देशन का बीच चले वाला एकदिना में जिम्बाब्वे आ श्रीलंका के मुकाबिला

भारत श्रीलंका से हार के फाइनल मैच खेले लायक ना रह गइल. आज जिम्बाब्वे आ श्रीलंका के बीच मुकाबिला हो रहल बा जवना के फाइनल मैच के पूर्वाभ्यास मैचकहल जा सकेला.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 12 गो भामाशाहन से कुल मिला के छह हजार आठ सौ सतासी रुपिया के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up