दिल्ली के मेट्रो

by | May 2, 2010 | 0 comments

– जयन्ती पाण्डेय

पिछला दिने लस्टमानन्द दिल्ली गइल रहलन. का कहीं का नजारा रहे. जब से दिल्ली में मेट्रो रेलगाड़ी चले लागल तबसे ओहिजा का लोगन का जिनिगी में बहार आ गइल बा. कालेज जाये वाली बबुनी के रोमांस करे के एगो नया जगहा भेंटा गइल बा. अब जब बबुनी के मोबाइल टुनटुनाता त ऊ गते से कहऽतारी, अबही फोन मत करऽ, मेट्रो में भेंट होइ!

रउआ जइसही मेट्रो स्टेशन में घुसब, सीढ़ी पर बइठल कई गो लोग लउक जाई जे कान में मोबाइल लगवले गते गते अपना संघतिया से बात करत होई. आपन काम धाम कर के जब लवटब त देखब कि दू घंटा बादो उहे लइकी ओहिजी बइठल बतियावत बिया. अब का कइल जाय? बहरी का घाम से इहिजा निजात बा. जब दिल्ली युनिवर्सिटी से मेट्रो केंद्रीय सचिवालय खातिर चलेले त ओमे ना जाने कतना सौ दिल समा जाला. सबके एहिजा खुल के बतिआवे के मौके भेंटाला, काल्हु कहवाँ मिलल जाई इ सब कुछ आजे तय हो जाला. पहिले केतना दिक्कत होत रहे. याद करीं, बस के धक्का आ ओहिमें लटकल भीड़. गरमी में अतना पसीना होखे कि आधे घंटा में कपड़ा से टप टप पानी चुए लागत रहे. शीला जी भले हमनी देहतियन के भाव नाहीं देली अउर कुल गंदगी के जिम्मेदार हमनियेके ठहरावेली, बाकिर दिल्ली के सब कोना में मेट्रो चला के ऊ बड़ा उलकार कइले बाड़ी. अब केहू से मिले के टाइम तय करे के बा त बस इहे कह दे ता लोग कि फलाना मेट्रो स्टेशन का सीढ़ी पर मिल जइहऽ. ओहिजा से साथ हो लिहल जाई.

एह फेरा में देखनीं कि एक दिन मेट्रो में एगो नउकी भउजाई चढ़ली. उनुका मेट्रो के माहौल एतना नीमन लागल कि एहिजे भइया का संगे लिपटे लगली. बेर बेर भईया से चिपकल जात रही. भला बस में चले में ई सुख उनका कहाँ भेंटाइत? कइ गो प्रेमी प्रेमिका त मेट्रो के पहिलका स्टेशन पर रेलगाड़ी में बइठ जाता, फेरू लवटि के दू घंटा बाद एहिजे आ जात बा. भला एकरा से सेफ जगह कहाँ भेंटाई. एइसन सिचुएशन में एगो गीत याद आइल. दो दिल मिल रहे हैं मगर चुपके चुपके. बाकिर दिल्ली का मेट्रो में त खुला खेल फरुखाबादी बा. इहवों दू दिल मिल रहल बा बाकिर खुल के. कलकत्तो के त कमोबेस इहे हाल लउकऽता. नइखे विश्वास त जाईं तनी पार्क स्ट्रीट. तनी मेट्रो स्टेशन घूम आईं.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up