‘बलिदान’ खातिर अवार्ड पाके बहुते खुश बाड़ी रिंकू घोष

by | Jul 7, 2011 | 0 comments

बहुमुखी प्रतिभा के धनी रिंकू घोष आजु भोजपुरी सिनेमा के टॉप अभिनेत्रियन में गिनाली. हरेक निर्माता-निर्देशक-अभिनेता उनका साथे काम करे खातिर लालायित रहेला. कवनो किरदार में अपना के डूबो देबे में आ भाव-प्रवणता में उनकर कवनो सानी नइखे. इहे कारण बा कि हाल ही में भइल प्रथम ‘भोजपुरी सिटी सिने अवार्ड’ समारोह में उनुका के फिल्म ‘बलिदान’ में उत्कृष्ट अभिनय खातिर सर्वश्रेष्ठ अभिनेत्री मान के सम्मानित कइल गइल. ओकरा बाद जब उनुका से बात भइल त जवन कहली ओही में से कुछ बात एहिजा पेश बा…

रिंकू जी, हाल ही में पहिलका भोजपुरी सिटी सिने अवार्ड समारोह में रउरा के फिल्म ‘बलिदान’ खातिर सर्वश्रेष्ठ अभिनेत्री का तौर पर सम्मानित कइल गइल. हमरा ओर से मुबारकबाद ! बताईं, कइसन लागत बा ?

मुबारकबाद ला बहुत-बहुत धन्यवाद ! जहां तक महसूस करे के बाति बा त पकिया बा कि हम बहुते खुश बानी. बहुते नीमन लागत बा अवार्ड पा के. हम तहेदिल से किशन खदरिया जी आ अवार्ड समारोह चयन समिति के शुक्रगुजार बानी कि हमरा किरदार के पसंद कइल गइल. साथ ही हम अपना तमाम दर्शकनो के बहुते आभारी बानी जे लोग हमेशा हमरा काम के सराहल, पसंद कइल आ अपना नेह स्नेह से हमरा के सर-माथा पर बइठावल. हमार हौसला बढ़ावल.

का रउरा पहिले से अन्दाज रहल कि रउरा के सम्मानित कइल जाई ?

ना, अइसन त ना रहे. हँ अपना बेहतरीन परफार्मेंस आ ईश्वर पर बहुत भरोसा रहल. जब अवार्ड समारोह ला घर से निकले लगनी त मन ही मन ईश्वर से इहे प्रार्थना कइनी कि अगर हम वाकई अवार्ड के लायक बानी त हमार लाज रखीहऽ. आ अवार्ड पा के हम ईश्वर का सोझा मूड़ी नवावत बानी.

‘बलिदान’ में 60 बरीस के बुढ़िया के किरदार करे खातिर रउरा तईयार कइसे हो गइनी ?

दरअसल जब निर्देशक के.डी. साहब हमरा से फिल्म के स्क्रिप्ट पढ़ववलन आ हमार भूमिका समुझवलन त हम एह किरदार से प्रभावित हो गइनी. तब्बो के.डी. जी हमरा के सोचे खातिर दू दिन के समय दिहलन काहे कि एहमें हमरा एगो बुढ़िया के आ रवि किशन के महतारी के किरदार करे के रहल, आ हमरा खाते कवनो रोमांटिक गीतो वगैरह ना रहल. बाकिर साँच पूछीं त पहिलके सिटिंग में हमरा भूमिका भा गइल रहल इ हम तुरते हाँ कर दिहनी. मम्मी के त हमरा पर भरोसा रहल बाकिर डैडी मना कइलन. उनुका लागत रहे कि हम ना कर पायब. लेकिन फेर हमार लगन आ जिद देखके हमरा के हमरे हाल पर छोड़ दिहले.

आज जब अवार्ड मिल चुकल बा त परिवार वालन के का कहना बा ?

सभे खुश बा. सबसे खुश त हमार पापा भइलन, घरे चहुँपली त गले लगा के माथा चूमलन आ कहलन कि हम त ई फिल्म करे से मना कइले रहीं बाकिर अब ई अवार्ड हमार हऽ. हमार भाईयो बहुत खुश भइलन आ सगरी नातेदार रिश्तेदारनो के बहुते खुशी मिलल.

फिल्मन में भूमिका करे खातिर राउर का नजरिया ह ?

देखीं, जबे कवनो ऑफर मिलेला त पहिले त हम ओह भूमिका के खासियत देखीले, अपना के ओह किरदार में महसूस कर के देखीले कि हमरा से हो पाई कि ना. अगर चैलेंज जइसन लागल तबे करे के तईयार होनी.

एहिसे का कि जबे कवनो चैलेंजिंग भा भाव-प्रणव भूमिका के बाति आवेला त सबले पहिले राउरे नाम लिहल जाला ?

देखीं, हम अइसन ना मानीं काहे कि एहिजा अउरियो बहुते काबिल अभिनेत्री बा लोग. एहूपर अगर फिल्मकार हमरा साथे काम करल चाहेले त ई हमार बड़भाग बा आ ओह लोग के बड़प्पन. हम त बस इहे प्रार्थना करीले कि हमरा बढ़िया से बढ़िया भूमिका करे के मिले आ हम अपना दर्शकन के मनोरंजन कर सकीं.

अपनी आवे वाली फिल्मन का बारे में बताईं ?

हमार आवे वाली फिल्मन में ‘गंगा जमुना सरस्वती’, अंजनी कुमार निर्देशित ‘सईयां ड्राईवर बीवी खलासी’, एम.आई. राज निर्देशित ‘केहू हमसे जीत ना पाई’ खास बाड़ी सण, हाल ही में हम निर्माता वसीम खान के इसरार खान निर्देशित फिल्म ‘अंधा कानून’ साइन कइले बानी मनोज तिवारी जी का अपोजिट. एह सगरी फिल्मन में हमार जोरदार किरदार बा आ सगरी से हमरा बहुते उम्मीद बा.


(स्रोत – शशिकांत सिंह)

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up