बुध के खरीदल के आ बियफे शुक के बेचल के

by | Sep 16, 2022 | 0 comments

शेयर बाजार में कुछ बढ़िया करे के बा त सबसे पहिले एह सवाल के जवाब खोजीं कि बुध के खरीदल के आ बियफे शुक के बेचल के. अगर एह सवाल के जवाब रउरा खोज लिहनी त राउर ट्रेडिंग के सफर मजगर रहे के बा.

शेयर बाजार आ जनरल बाजार के अन्तर सबले बड़का इहे होला कि शेयर बाजार में ऊ खरीदाला जेकर दाम बढ़त भा चढ़त बा. आ ओकरा के बेच दीहल जाला जवना के दाम गिर रहल बा. कवनो सौदा करे खातिर दू आदमी जरुरी होला, एक त ऊ जे खरीदे वाला बा आ दोसरका ऊ जे बेचे वाला बा. दुनु पक्ष आपन बोली खुल के बता देला कि कतना पर खरीदे के बा भा कतना पर बेचे के बा. कुछ लोग अइसनो होला जे खरीदे के सोचलसि त जवना दामे मिल जाव तवने दामे खरीद लीहें भा जवने दाम मिलत बा तवने पर बेच दीहें.

एह लोग के मन खरीदे भा बेचे के बनेला कइसे ई बाजार के मनोवैज्ञानिक पहलू होला. एकरा के समुझल ओतने जरुरी बा जतना ओकरा कारण के समुझल. जब दाम चढ़े लागेला त लोग मान लेला कि बहुमत एकरा के खरीदल चाहत बा आ एक तरह के भेड़ चाल शुरु हो जाला जवना मे ओकर दाम अउऱी बढ़त जाला. बाकिर एक सीमा अइसन आवहीं के बा जब सगरी खरीददार आपन खरीददारी पूरा कर लीहें. आ जब खरीददार घटे लगीहें त दाम गिरे लागेला. अब एहिजा दू तरह के लोग होला. एक तरह के लोग घबराहट में आपन खरीदल शेयर बेचे लागेला कि पता ना कहाँ ले गिरी. दोसरा तरह के लोग ई होला जे जानत बा कि दाम गिरहूं के एगो सीमा होला. जब अधिका लोग आपन शेयर बेच चुकेला तब बाजार में शेयर के सप्लाई कम होखेला आ गँवे-गँवे दाम फेरु चढ़ल शुरु हो जाला. एकरा साथ ही पुरनका चक्र शुरु हो जाला. एही चक्र का चक्कर में व्यवधान रेखा भा व्यवधानी इलाका बनेला जहाँ खरीदे वाला घटे लागेलें भा जहाँ लोग मुनाफा काटे खातिर पहिले से खरीदल शेयर बेचे लागेला. व्यवधानी रेखा का लगे भा कहीं त व्यवधानी इलाका में एक त खरीदेवाला कम हो जालें आ मुनाफा काटे वाला आ बिकवाल जुटे लागेलें.

एही का उलट आधार रेखा भा आधारी ईलाका बनेले जब बेचे वाला कमजोर पड़े लागेलें आ गँवे-गँवे खरीददार जुटे लागेलें. आ एही से ट्रेंड भा हवा बनेला जवन या त उपर ओरि चढ़त जाला (Uptrend) भा नीचे का तरफ गिरत जाला (Downtrend). एह दुनु का बीच अइसनो समय आवेले (Sideways trend)जब एगो सपाट दायरा में ट्रेड होखत रहेला. हर ट्रेंड के दू गो सीमा होला उपर आ नीचे के. दुनु के बीच वाली रेखा का उपर खरीदे के ना चाहीं आ ओह बीच वाली रेखा का नीचे बेचे के ना चाहीं.

लिवाली के समय ऊ होला जब नीचे आधार रेखा भा इलाका नजदीके होखे आ व्यवधान रेखा भा इलाका दूर होखे. बिकवाली के समय ऊ होला जब उपर व्यवधान रेखा भा इलाका नजदीके होखे आ नीचे आधार रेखा भा इलाका दूर में होखे. तबहिएं मुनाफा के गुंजाइश बढ़िया रही.

सोमार का दिने 19 सितम्बर 2022 के कुछ महत्वपुर्ण रेखा बनत बावे 17900, 17640, 17550, 17500, 17460, आ 17400 पर. अब कहाँ खरीदल ठीक रही आ कहाँ बेचल एह ला आपन दिमाग लगाईं आ अपना सोच का हिसाब से ट्रेडिंग करीं.

हमार ई सगरी लेख नवही ट्रेडरन खातिर होखेला. जानत बानी कि मजल खिलाड़ी एहिजा अइहें ना. आ एकरे चलते एह पूरा श्रृंखला के हम शिक्षा का कैटेगरी में राखेनी. एह शिक्षा से राउर आपन रोजी रोजगार खोजे के कोशिश करब कि व्यवसाय-व्यापार के ई रउरा सभे पर निर्भर बा.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up