![](https://www.anjoria.com/wp-content/uploads/2024/04/ElectionCommisioners_ofIndia.jpg)
भारत के चुनाव आयुक्तन के ई फोटो चुनाव आयोग के वेबसाइट से लीहल गइल बा.
आरह चुनाव आयोग के प्रेस वार्ता में चुनाव आयुक्तन का ओर से कहल गइल कि चुनाव प्रक्रिया के शुद्धता, पारदर्शिता अउर निष्पक्षता सुनिश्चित कइला का बावजूद जवना तरह से अनर्गल बात फैलावे वालन के बाजार बड़हन खतरा बन गइल बा आ करा खिलाफ सावधानी बढ़वला के जरूरत बा. कहल गइल कि एह तरह के कोशिश के खास डिजाइन लउके लागल बा.
दुनिया के लोकतांत्रिक इतिहास में भारतीय लोक सभा चुनाव 2024 आपन कीर्तिमान बना लिहले बा. एह चुनाव में 64.2 करोड़ मतदाता अपना मताधिकार के इस्तेमाल कइलन जवना के देख सगरी दुनिया अवाक बा.
बाकिर चुनाव आयोग आपन गलती मान लिहलसि कि अइसन गरमी में चुनाव करावल ठीक नइखे आ आगे से सगरी चुनाव प्रक्रिया गर्मी के मौसम से एक महीना पहिलहीं करा लीहल जाए के चाहीं. साथही अनर्गल प्रचार से निपटलो के जरूरत से सबक लेबे के होखी.
मुख्य चुनाव आयुक्त राजीव कुमार कहलन कि आयोग के पहिलहीं से अनेसा रहल कि देश का बाहर से बेहूदा आरोप लगावल जा सकेला बाकिर देश का भितरो से एह तरह के बेहूदा हमला होखे के अंदाजा हमनी के ना रहल. मुख्य चुनाव आयुक्त कुमार कहलन कि रउरा सवाल उठाईं बाकिर ओकरा ला सबूतो दीहल करीं. आगाहो कइलन कि मतगणना केन्द्रन पर बवाल करे वालन से सख्ती से निपटल जाई.
0 Comments