भउजी हो, तू सनातनी हिन्दू हऊ कि अरामी हिन्दू

by | Sep 3, 2023 | 0 comments

भउजी हो !

का बबुआ ?

तू सनातनी हिन्दू हऊ कि अरामी हिन्दू ?

हम बूझनी ना ? का पूछल चाहत बानी ?

इहे कि तू सनातनी हिन्दू हऊ कि अरामी हिन्दू ?

सनातनी त बूझनी, बाकिर ई अरामी का होला ? हरामी कहल चाहत बानी का ?

ना भउजी, गरियाइब काहें तोहरा के हरामी कहि के ? गाली गलौज के भासा सभ्य समाज में इस्तेमाल ना होखे के चाहीं. हम त अरामी कहनी ह, अरामी माने जेकरा राम में विश्वास ना होखे, जेकरा अपना सनातन संस्कृति से प्यार ना होखे. हँ, अब बतावऽ कि तू सनातनी हिन्दू हऊ कि अरामी हिन्दू ?

ए बबुआ हमरा सोच से त सगरी हिन्दू सनातनी होलें. जे सनातनी ना हवे से हिन्दुओ ना हो सके. बाकिर एह सवाल के जरुरत काहें पड़ गइल ?

एहसे कि आजु ई सवाल सभका सभका से पूछे के चाहीं ?

फेरु पूछब, काहें ?

एहसे कि आजुकाल्हु हिन्दुस्तान में एगो विपक्षी गिरोहबन्दी हो रहल बा आ ओकरे एगो बरियार गुरगा काल्हु आवाज उठवले बा कि सनातनियन के जड़मूल से उन्मूलन कइल जरुरी हो गइल बा. आ एकरा खिलाफ ओह गिरोह में से केहू का मुँह से बकार नइखे निकलल.

अइसन काहें बबुआ ? हिन्दुस्तान में रहि के हिन्दूवन के विनाश करे के केहू कहल त दूर सोचिओ कइसे सकेला ?

एहसे भउजी कि हिन्दूवन में अरामी हिन्दुवन के तादाद सनातनी हिन्दुवन से कई गुना बा आ ओह इण्डि गिरोह के पूरा भरोसा बा कि अरामी हिन्दुवन के अपना साथे मिला के सनातनियन के विनाश आराम से कइल जा सकेला.

ए बबुआ, ऊ जमाना चलि गइल जब खलील मियाँ फाख्ता उड़ावल करसु आ भर गाँव टकटकी लगा के देखत रहुवे. अब हिन्दुओ अपना सनातन खातिर जागे लागल बाड़ें.

ना भउजी, अइसन नइखे. हिन्दू अइसन नींद सूतल बाड़न कि ओहनी के जगावल आसान नइखे. भा इहो कहि सकेलू कि सुतलका के जगावल जा सकेला बाकिर सूते के बहाना कइले के जगावल असंभव होला. अगर हिन्दू जागल रहतन त आजु पूरा देश में, हर टीवी चैनल पर, हर अखबार में, हर गोल में सनातनियन के उन्मूलन के बाति करेवाला का खिलाफ जम के हल्ला भइल रहीत.

ई त गंभीर चिन्ता के बाति बा.

हँ भउजी, उमीद कइल जाव कि जल्दिए एकर खण्डन-मण्डन आवल शुरु हो जाई.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up