भाऊराव देवरस सेवा न्यास के युवा साहित्यकार सम्मान

by | Oct 2, 2010 | 1 comment

लखनऊ के भाऊराव देवरस सेवा न्यास पिछला दिने माधव सभागार में युवा साहित्यकारन के पंडित प्रताप नारायण मिश्र स्मृति पुरस्कार से सम्मानित कइलस आ भोजपुरी खातिर ई सम्मान भोजपुरी के युवा गजलकार मनोज भावुक के दिहल गइल.

भाऊराव देवरस सेवा न्यास पिछला पन्द्रह साल से हर साल अखिल भारतीय स्तर पर सात गो युवा साहित्याकरन के पुरस्कृत आ सम्मानित करत आइल बा. हालांकि भोजपुरी के कवनो साहित्यकार के पहिला बेर पुरस्कार दिहल गइल बा.

पुरस्कार पूर्व परिचय करावत सेवा न्यास के कार्यक्रम संयोजक डा॰ विजय कुमार कर्ण बतवले कि २ जनवरी १९७६ के बिहार का सीवान जिला में जनमल आ यूपी के रेणुकूट में पलल बढ़ल मनोज भावुक भोजपुरी न्यूज चैनल हमार टीवी के क्रिएटिव हेड हउवन आ भोजपुरी के जानम मानल साहित्यकारन में उनकर गिनती होखेला.

अपना तरफ से धन्यवाद देत मनोज भावुक कहलन कि ई पुरस्कार कवनो एक आदमी के ना हो के भोजपुरी भाषा, साहित्य, देश विदेश में पसरल करोड़न भोजपुरियन के सम्मान ह.

बतावत चलीं कि पिछला दिने राँची में भइल भोजपुरी सम्मेलन में मनोज भावुक के विश्व भोजपुरी सम्मेलन के दिल्ली ईकाई के अध्यक्ष बनावल गइल बा.


(स्रोत : पियूष)

Loading

1 Comment

  1. omprakash amritanshu

    लेईलऽ बधईया हो भईया,लेईलऽ बधईया ,
    हो बधईया लेईलऽ ना.
    ये भोजपुरिया ‘भावुक’ भईया हो ,
    बधईया लेईलऽ ना.

    धन्य बा सिवान ,धन्य गऊँवा जवारवा.
    माई -बाबुजी के छुअल, चाहिला चरणवा.
    रुन-झुन पैजनिया बाजल जिनिके अगनईया
    हो बधईया लेईलऽ ना.

    तोहरे से लहसेला -बिंहसेला बगिया ,
    तोहरे से लहसेला -बिंहसेला बगिया ,
    मारे किलकारी भोजपुरी के अक्षरिया,
    मिलल पुरस्कार लखनऊ के नगरिया हो
    बधईया लेईलऽ ना.
    ये भोजपुरिया ‘भावुक’ भईया हो ,
    बधईया लेईलऽ ना.

    भावुक जी बहुत -बहुत बधाई बा.
    गीतकार :-ओ.पी .अमृतांशु

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 12 गो भामाशाहन से कुल मिला के छह हजार आठ सौ सतासी रुपिया के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up