भाजपा के नेता लोग के रेटिंग होखत बा

by | Jun 24, 2013 | 0 comments

– जयंती पांडेय

रामचेला आज सबेरे बाबा लस्टमानंद के लगे अइले आ आवते बोलले, बाबा हो, अबकी चुनाव में तऽ कांग्रेस गइल. भाजपा के पक्का चांस बा.

उनका पहिले गांव के कई लोग बाबा से इहे कहले रहे. बाबा उबिया गइले. उनहुं के मन में झक उठ गइल. ई का मामला बा कि ‘ना सूत ना कपास आ जोलाहन में लाठा लाठी.’ अबहीं चुनाव के तारिखो ना आइल आ लागल लोग भाखे. बाबा के मन में ना जाने का आइल, कहले, हो रामचेला, जानऽ तारऽ भाजपा में प्रधानमंत्री के कंडीडेटन के लिस्ट बन रहल बा. ई अलग बात हऽ कि लिस्ट बनते मारा मारी, गारा गारी शुरू हो गइल बा. पार्टी तऽ तहरे अइसन मान लेले बिया कि अबकी ऊ जीत जाई एही से सब सीनियर नेतवा जे बाड़े सन अपना के प्रधानमंत्री के लायक बूझ्ऽतारे सन. पार्टी में बड़ा संकट आ गइल बा. हर केहुए मुंह उठवले चलल आवऽता कि हमरा के पीएम बनावऽ ना तऽ हम अलगा भइनी. अब बड़ा कठिन हालत हो गइल बा. एही से जइसे इम्तहान में होला ओसहीं आइडिया तैयार कइल गइल कि सब कंडिडेट के रेटिंग कइल जाई. माने कि, सबके रेट तैयार होई कि केकरा के केतना नम्बर दिहल जाउ. ओह में सबके एगो नम्बर दिहल गइल बा. इहो तय कइल बा कि जबले पार्टी कवनो कंडीडेट ना घोषित करी तबले सब केहु के ‘पी एम इन वेटिंग’ मान लिहल जाई. अब लिस्ट तैयार हो गइल बा आ कुछ शुरुआती नांव बा – लालकृष्ण आडवाणी, नरेंद्र मोदी, राजनाथ सिंह, नितिन गडकरी, अरुण जेटली, सुषमा स्वराज, वैंकया नायडू वगैरह. ई सब नांव के ले के भारी विवाद बा आ मोदी जी के लेहले सब केहु लिस्ट में अपना नम्बर पर खिसियाइल बा. ई बात जब राजद के नेता लालू भइया से पूछल गइल, तऽ ऊ कहले, भाग बुड़बक, रेलवे अस एक आदमी के आर ए सी में डाल दऽ आ बाकी लोग के वेटिंग में डाल दऽ. मामला ठीक हो जाई.

उनकर बात सुन के रामचेला चुप हो गइले. ई ना बतवले कि बाबा के बात उनका परतियाइल कि ना.


जयंती पांडेय दिल्ली विश्वविद्यालय से इतिहास में एम.ए. हईं आ कोलकाता, पटना, रांची, भुवनेश्वर से प्रकाशित सन्मार्ग अखबार में भोजपुरी व्यंग्य स्तंभ “लस्टम पस्टम” के नियमित लेखिका हईं. एकरा अलावे कई गो दोसरो पत्र-पत्रिकायन में हिंदी भा अंग्रेजी में आलेख प्रकाशित होत रहेला. बिहार के सिवान जिला के खुदरा गांव के बहू जयंती आजुकाल्हु कोलकाता में रहीलें.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up