लहँगा के ब्रेकिंग न्यूज

by | Aug 25, 2018 | 0 comments

– आलोक पुराणिक

ढेरे सनसनी बा. कवनो टीवी चैनल के भासा उधार ले लीं त ई कहल जा सकेला कि पूरा मुल्के में सनसनी बा. मुल्के काहे पूरा दुनिया में सनसनी बा. एगो टीवी चैनल एही मसला पर पूरा एक घंटा के रपट परोस दिहलसि कि – प्रियंका चोपड़ा अपना से बारह बरीस छोट दुलहा से बिआह करे जात बाड़ी. हम एह रिपोर्टर से पूछनी कि – तोहरा एहसे का कि बारह बरीस छोट से बिआह करे जात बाड़ी कि बड़ से ? कवनो जोर-जबरदस्ती, कवनो कानून त नइखे लाँघल जात एहमें. तोहरा केरल में 120 बरीस में आइल अइसन बड़हन बाढ़ नइखे लउकत ? एह बाढ़े का सगरी आयाम पर बतियाव, रपट बनाव. काहे एह फेरा में पड़ल बाड़ कि 12 बरीस छोट ह कि बड़.

प्रियंका-प्रोग्राम के रिपोर्टर हमरा के एगो बरियार जबाब देके चुप करा दिहलसि कि छोट बड़ बाढ़ त हर साल आवत रहेले. बाकिर प्रियंका के बिआह त एके बेर होखी. उनुकर बिआह एही चलते आजु के सबले बड़का इवेन्ट बावे. आ ई कहि के उ रिपोर्टर फेर एह शोध में बिजी हो गइल कि प्रियंका चोपड़ा के होखेवाला पति उनुका से कतना छोट हउवे. ई आशनाई कब से चलत बा, कब शुरु भइल, कहाँ शुरु भइल.

ई देश बिआह प्रधान देश ह. बंदा पहिले अपना बिआह में अझूराला. पढ़-लिख के के नौकरी काहे करे के बा ? काहे कि बिआह ठीक-ठाक हो जाव, बालो-बच्चा ठीक-ठाक हो जा सँ. जवना आंटी लोग के आपने बिआह बड़ फजीहत से भइल रहुवे उहो लोग एही में परेशान रहेली लोग कि अपना कुटुम्ब-परिवार के फलाना लड़िकी के बिअह काहे नइखे हो पावत ? टीवी सीरियल त बिआहे भरोसे बाड़ी सँ. एक बिआह का बाद दोसरा बिआह के, फेर तिसरा बिआह के. फेर बिआह में तोड़-फोड़, फेर एगो नयका बिआह. फेर एगो अउर बिआह. बिआह-प्रधान मुल्क में सब कुछ बिआहे पर शुरु होला आ बिआहे पर खतम. बिआह के कहानिए ना ओराव.

प्रियंका चोपड़ा के बिआह होखो. शुभकामना. बाकिर ई चैनल वाले काहे एह पर कपार खपावत बाड़ें कि प्रियंका के रोका में रसगुल्ला जवना दोकान से आइल रहुवे ओह दोकान के कर्मचारी झप्पूलाल से इन्टरव्यू कइसे हासिल कइल जाव ? अरे दोकान के कर्मचारी से काहे, सीधे ओकरा मालिके के इन्टरव्यू काहे ना ले लिआव ? बाकिर मालिक एलान क के बइठल बा कि ऊ एह पर बीबीसी, सीएनएन, भा अल जजीरा जइसन कवनो ग्लोबल चैनले के इन्टरव्यू दी. एगो चैनल के चीफ अपना रिपोर्टर से पूछत बा कि एहमें नाग-नागिन के डाँस वाला एंगल डालल जा सकेला कि ना ? का अपना रपट में बतावल जा सकेला कि ई लोग पिछला जनम में बिछुड़ल नाग-नागिन के जोड़ी ह. अब भारत-भूमि में एह लोग के पुनर्मिलन हो रहल बा.

हम ओह चीफ के डपटनी कि का बेहूदा आइडिया खोजे में लागल बाड़ ? ऊ चैनल चीफ चहक के बोलल – चलीं अब रउरो कन्फर्म कर दिहनी कि ई बेहूदा आइडिया बा. अब त एकरा के हिन्दुस्तान नें हिट होखला से केहू रोकिए ना सके. हम त टेंशन में तब आइलें जब कार्यक्रम के केहू सउरदार बता देला. प्रियंका चोपड़ा के बिआह बहुते बड़ खबर बा. प्रियंका के बिआह जबले पूरा नइखे हो जात तबले ई खबर बाढ़-सूखाड़ पर भारी पड़त रही टीवी चैनलन पर.

देखतानी एगो चैनल पर ब्रेकिंग न्यूज आ रहल बा – सबले पहिले हम बताएब कि प्रियंका अपना बिआह वाला लहँगा कवना दोकान से खरीदिहें. सबसे पहिले हमरा चैनल पर. हार्ड न्यूज, ब्रेंकिंग न्यूज. आईं पूरा धीरज आ संयम सें प्रियंका चोपड़ा के बिआह होखे तकले इंतजार कइल जाव.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up