विजन डोलाते थे वो बिजन डोलाते हैं

by | Jan 26, 2018 | 0 comments

समय का सोझा केहू के ना चले. कांग्रेस के गुमान रहुवे कि ऊ देश के सरकार चलावे वाली पार्टी हीय आ सरकार में रहे भा विपक्ष में ओकरा के खास मान मिलते रही. बाकिर अबकी गणतंत्र जिवस के मौका पर ओकर ई गुमान टूट गइल. 69वां गणतंत्र दिवस मनावत देश देखल कि कांग्रेस अध्यक्ष राहुल गांधी राजपथ पर आगे का कतार में ना बइठल लउकलें आ नजर घुमवला प उनुका के छठवीं कतार में बइठल देखल गइल.

अपना मालिक के मिलल मान में कमी देख के कांग्रेसियन का करेजा पर साँप लोटे लागल बा. ओह लोग के कहना बा कि हमेशा से कांग्रेस अध्यक्ष के अगिला पाँति में जगहा मिलत आइल बा आ अबकियो मिले के चाहत रहुवे. बाकिर भाजपा अपना ओछ हरकत से राहुल गाँधी के अगिला कतार में बइठे के जगहा ना दिहलसि.

जान जाईं कि बइठे के जगहा प्रोटाकाल से तय होला आ एगो पीएम के विधवा होखला का नाते अबहीं हाल ले सोनिया गाँधी के प्रोटोकाल में अलग से शामिल राखल जात रहुवे. बाकिर अब जब ऊ कांग्रेस के अध्यक्ष नइखी रहि गइल त उनुका जगहा उनुका बेटा के बइठावल प्रोटाकाल के लाँघल होखीत. इहो धेयान में राखे के चाहीं कि एह तरह के प्रोटाकाल भाजपा सरकार के पहिले से चलल आवत बा.

भाजपा अध्यक्ष अमित शाह के पहिला पाँत में बइठल देखि के सवाल उठावल जा रहल बा जबकि ऊ सत्ताधारी पार्टी के अध्यक्ष का नाते एकर अधिकारी रहलन. विपक्षी गोल के अध्यक्ष के जगहा प्रोटाकाल में पीछहीं राखल गइल बा. अगर पिछला सरकारन में लालकृष्ण आडवाणी के आगे बइठे के बाति कहल जाई त ऊ नेता विपक्ष रहलन आ आजुकाल केहू नेता विपक्ष नइखे.

कांग्रेस के चाहीं कि आपन पूरा दम लगा के अगिला बेर या त सरकार बना लेव आ ना हो सके त कम से कम नेता विपक्ष लायक बेंवत त बनाइए लेव. लोकलंत्र में एगो बरियार विपक्ष होखल जरुरी होला बाकिर बरियार विपक्ष बनावल सरकारी गोल का जिम्मे ना दीहल जाव.

अपडेट –

सरकार का तरफ से बतावल गइल बा कि सोनिया गाँधी आजुओ पहिला कतार में बइठली ह. तीन आदमी – लालक़ष्ण आडवाणी, अमित शाह, आ सोनिया गाँधी – खातिर अलग से विशेष प्रावधान का तहत व्यवस्था रहुवे. एह जानकारी का बाद राहुल के चमचन के चीत्कार बेमलब के प्रलाप मानल जाई.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up