कबो कांग्रेस में रहल आ प्रियंका वाड्रा के राजनीतिक सलाहकार रहल आचार्य प्रमोद कृष्णम अपना एक्स खाता पर एक्सप्रेशन डलले बाड़न कि 4 जून के सॅझिया शहजादो साधना करे खातिर निकल जइहें. बस गुफा खोजत बाड़न ओकरा खातिर.
4 जून की शाम को “शहज़ादे”
भी “साधना” करने जायेंगे, गुफ़ा की “तलाश”
जारी है.— Acharya Pramod (@AcharyaPramodk) June 2, 2024
पहिले त सोचनी कि भउजी से पूछ के देखीं कि आचार्य जी कवना गुफा आ कवना साधना के बात करत बाड़न. बाकिर फेर सोचनी कि आम भोजपुरियन के दिक्कत ना होखी ई समुझे में. आखिर अबहींं ले होखते आइल बा कि हर चुनाव का बाद बबुआ थाई लैण्ड निकलिए जात रहलन.
सोचे वाला सोचत बाड़े कि अबकी कवना उमीद से बबुआ टिकल बाड़ें हिन्दुस्ताने में. त एकर जवाब बा कि उनुका पूृा भरोसा बा कि 4 जून के उनुका गोलबन्दी के 295 गो सीट मिले जा रहल बा आ मन ही मन गाजत बाड़न सरकार बनावे के सपना देखत.
नीचे उनुके एक्स खाता पर डालल एगो एक्सप्रेशन रउरो देख लीं जवना में खरगे साहब कहत बाड़न कि इंडी के 295 गो सीट मिलहीं जा रहल बा, एक्जिट पोल कुछऊ कहे.
LIVE: INDIA Press Conference | New Delhi https://t.co/H0J38aCIYG
— Rahul Gandhi (@RahulGandhi) June 1, 2024
राहुल से जब कुछ पत्रकार काल्हु आइल एक्जिट पोल का बारे में उनुकर राय जानल चहलें त छनछनाइल राहुल गांधी एक्जिट पोल को ‘मोदी मीडिया पोलकोरी’ बता दिहलन. आ फेरु दोसरा सवाल पर कहलन कि चार जून का दिने इंडी अलायंस के 295 सीट मिले जा रहल बा. राहुल कहलन कि, “इसका नाम एग्ज़िट पोल नहीं मोदी मीडिया पोल है. ये मोदी जी का पोल है. ये फंतासी अटकलें हैं. सिद्धू मूसेवाला का गाना सुना है आपने, 295, हम 295 सीट जीत रहे हैं।”
बधाई होखो. कम से कम 4 जून ले त कांग्रेसी सरकार बने के सपना देखला पर कवनो रोक त लगावल ना जा सके.
0 Comments