‘साफे-सुथर फिलिम बनावल हमार मकसद बा‘, कहलन संजय कुमार मिश्रा

by | Apr 10, 2013 | 0 comments

SanjayMishraसंजय कुमार मिश्रा बतौर निर्माता ‘लड़ब मरते दम तक‘ से सिनेमा भोजपुरी में डेग धरत बाड़ें. एह फिलिम के प्रस्तुत करीहें सुनिला मिश्रा जे उनकर पत्नी हई. अपना पत्नी से मिलल सहयोग के कायल संजय कुमार मिश्रा से भइल बातचीत के कुछ बानगी दिहल जात बा एहिजा.

‘लड़ब मरते दम तक‘ कइसन फिलिम बा ?
गरीब मनईयन के कुछ रुपिया खातिर गुमराह करे वाला ओह दरिन्दन पर बनल बा ई फिलिम जे अपना लालच में गरीब मजबूर मनई के गुमराह करे का साथही ओहनी के जिनिगियो आफत में डाल देले. एहमें किडनी गिरोह के पर्दाफाश कइल गइल बा. एह फिलिम के नायक विराज भट्ट आ शुभम तिवारी एह गिरोह के सफाया कइसे करत बाड़ें ई देखावल गइल बा. बाकी भोजपुरी फिलिमन से ई फिलिम बहुते अलग बा.

कतना अलग बा ‘लड़ब मरते दम तक‘ ?
हमार ई फिलिम अतना साफ सुथर बा कि रउरा पूरा परिवार संगे एकरा के देख सकीलें. हम अपना फिलिमन में फुहड़पन परोसल ना चाहीं आ साफे सुथर फिलिम बनावल हमार मकसद बा.

रांची में ट्रांसपोर्ट के बिजनेस करत फिलिम बनावे के मन कइसे कर गइल ?
जी हँ! राँची में हमार मॉं ट्रवेल्स नाम से ट्रांसपोर्ट के बिजनेस बा. हम अपना माई के बहुते मानेनी आ हमरा ला ऊ भगवान ह. अपना माईए के नाम से हम ‘दुर्गा फिल्मस प्रोडक्शन‘ कंपनी खोलले बानी. रहल बात फिलिम इंडस्ट्री में अइला के त हम बचपने से फिलिमन में आवल चाहत रहीं. बहुते पहिले बाबूजी के बतवले बिना फिलिम में आवे के कोशिश कइले रहीं बाकिर तब बात बन ना पवले रहे.

‘लड़ब मरते दम तक‘ में त आप अभिनयो कइले बानी ?
हँ! डीसीपी के एगो छोटहन किरदार कइले बानी एह फिलिम में , बाकिर अपना अगिला फिलिम ‘लउकेला किला त हिलेला जिला‘ में मेन विलेन के भूमिका करत बानी. एकर निर्देशन सुरेन्द्र मिश्रा करीहें.

त फिलिम बनवला क संगही एक्टिंगो करत रहब ?
देखीं, बचपन से हमरा एक्टिंग से अधिका फिलिम बनावे के शौक रहल बा, अभिनय तो बस अइसही कर लिहनी बाकिर हमार मकसद फिलिम बनावल आ निर्देशने कइल रही.

त फेर एकर निर्देशन अपने काहे ना कइनी ?
देखीं, हम ओह में से ना हईं कि निर्देशन कराईं त दोसरा से बाकिर नाम आपन बता दीं. साल दू साल में खुदे निर्देशन करे लागब.

निर्माता बनला के अनुभव कइसन रहल ?
अनुभव त बहुते कड़ूआ रहल. एहिना नया निर्माता के लोग मुर्ख समूझेला. अलग बात बा कि सभे खराबे नइखे आ बढ़ियो लोग बा जेहसे कि इंडस्ट्री चलत बिया. आवे वाला निर्माता लोग के बतावल चाहब कि एहिजा पूरा समझदारी से काम करीं. केहू पर भरोसा कर के ना.

अउर नया का करत बानी ?
अबहींए जइसन बतवनी एगो फिलिम ‘लउकेला किला त हिलेला जिला‘ के मुर्हुत पिछला दिने कइनी ह. एगो फिलिम राकेश मिश्रा के लेके बनावे जात बानी. डॉ. सुनील के फिलिम ‘प्रेम दिवानी‘ से भोजपुरी सिनेमा में आइल राकेश मिश्रा बहुते प्रतिभावान कलाकार हउवें.


(समरजीत)

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up