सोचतानी तोहरा ला एगो पुरस्कार के जोगाड़ करीं.

by | Aug 19, 2013 | 9 comments

भउजी हो!
का बबुआ?

सोचतानी तोहरा ला एगो पुरस्कार के जोगाड़ करीं.
कइसन पुरस्कार? इनामो मिली का ?

पुरस्कार के नाम होखी “महान भउजी सम्मान” बाकिर अबहीं कवनो संस्था से सउदा नइखे बन पावत. आ इनाम त खैर का मिली हँ पइसा कम से कम लागो एही फेर में बानी.
अरे, त अइसनका सम्मान से का फायदा?

घरे ड्राइंग रूम मे सजा के रखीहऽ आ आवे जाए वाला सखी सहेलियन के देखइहऽ कि कइसे तोहरा के अतना महान संगठन करोड़ो अरबो भउजियन का बीच से एह सम्मान ला चुनलसि. बतइह कि एकरा खातिर दुनिया भर के देवरन का बीच सर्वे करवा के एह सम्मान के फैसला भइल.
तब त फेर उहो लाग जइहें सँ अइसन सम्मान बिटोरे ला.

अरे त इहे नू चाहेली सँ संगठन कि ओकनी के धंधा सालेसाल चलत रहो. सम्मान लेबे तोहरा के बोलवइहे अपना कार्यक्रम में. कुछ गाना गवा लीहें. कुछ ठुमका लगवा लीहें. आइल दर्शकन के मनोरंजनो हो जाई आ संगठन के धेलो खरचा ना करे के पड़ी. उलुटे कुछ आमदनीए हो जाई.
ए बबुआ त रउरे काहें ना एगो अखिल ब्रह्मांड देवर सम्मेलन बना लेत?

ई कवनो बड़हन काम ना होखी बाकिर बाद में मामिला अझुराए लागी. सगरी देवर चहीहें कि उनुके भउजाई के ई सम्मान दिहल जाव!
त देव लोग आपन आपन अखिल विश्च, अखिल भारत, अखिल बिहार, अखिल फलाँ अखिल चिलाँ नगर बना के. हमरा लहूरा देवर के संगठन त हमरे के नू सम्मानित करी.

ठीके कहत बाड़ू भउजी.

Loading

9 Comments

  1. NEEMAN SINGH

    ठीकेबा जोगाड़ के जमाना बा लाग जाईं …..

  2. रमेश सिंह बभनौली

    टाँय-टाँय फिस्सससससस।। गुरुजी पर भाइए जी पड़ि गइनी बीस्ससससससस।। (परभाकरेजी की फेसबुक वॉल से उठवनी हँ।)

  3. प्रभाकर

    भोजपुरी के दसा अउर दिसा देखि के हमरा एगो पुरनका डाइलाग में तनि बदलाव करे के मोन करता?? सहमति बा न???
    हमरी लगे, गाड़ी बा, बंगला बा..अउर भी बहुत कुछ बा, तोहरी लगे का बा?? हमरी लगे पुरस्कार बा।।

  4. प्रभाकर पाण्डेय

    भउजी हो?? का बाबू?? भोजपुरी के दसा अउर दिसा देखि के हमरा एगो पुरनका डाइलाग में तनि बदलाव करे के मोन करता?? तोहार सहमति बा न??? हँ ए हमार बाबू, बताईं।।
    हमरी लगे, गाड़ी बा, बंगला बा..अउर भी बहुत कुछ बा, तोहरी लगे का बा?? हमरी लगे पुरस्कार बा।।

  5. OP_Singh

    भावुक जी, ई त मस्तकफरुल्ला हो गइल, माथ फाड़ के निकल गइल.

  6. OP_Singh

    नीक लागल प्रभाकर जी,
    एह भउजी के रउरे सम्हार ना लीँ हमार कुछ काम कम होखीत.
    राउर,
    ओम

  7. Manoj Bhawuk

    मुर्गी गइली बांसवारी में त बुझली कि वृंदावने ह .

  8. omprakash amritanshu

    हा.. हा.. हा. . मजा आ गईल।

  9. प्रभाकर पाण्डेय

    भउजी हो?? का बबुआ?? लाख रुपया के बेयवस्था करे के बा?
    का होई जी? सम्मान खरीदे के बा?
    त 1 लाख से का होई, कम से कम दु लाख चाहीं।
    ना भउजी हमरा के त उ लवटलके, पुरनके चाहीं ए से 50 परसेंट डिस्काऊंट में मिली।।
    (सम्मान पर मेगा सेल…सुरु बा..आईं, कुछ थमाई अउर अगर नया न मिले त पुरनके ले के जाईं।।) जय माई-भाखा।।

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up