हाकिम के मन आ दरियाव के पानी

by | May 19, 2024 | 0 comments


– बिनोद सिंह गहरवार

जाह दिन शराब घोटाला के अछरंग में जेल में बन कट्टर ईमानदार आदमी के देश के सबसे बड़का इजलास से राहत मिलल त हमरा बुझाइल कि पुरनिया साँचो कहत रहन कि हाकिम के मन आ दरियाव के पानी के कवनो ठीक ना ह, कब केने फिर जाई.

जसही हाकिम के दिमाग फिरल सरीफ आदमी आपन सराफत देखावे लागल. देखाई काहे ना? इ कहाँ के सराफत ह कि केहू बिना पुछले-पछले केहु के घरे आ जाई. आ अइलऽ त ठीक बा आदमी लेखा बइठऽ. चाह-पानी मिली. बाकिर दनदनाइल केहु के चुहानी अमाए लगबऽ, ओकरा कनिया के घर में ढ़ुके लगबऽ त भाई तू लात-जूता खइबे करबऽ. चाहे तू कतनो आपन काहे ना होखऽ.

जसही लात-जूता चलल कि चारो ओर एकर चरचा होखे लागल. सभे महिला …. महिला ….. महिला के माला जपे लागल. लोग अइसे चिचिया रहल बा जइसे कि एह देश में इ पहिले पहिल भइल होखे. एही से उत्तर परदेश के बबुआ एह ममिला में समुझदारी से काम ले के पतरकारन से कहलन – एने केजरीवाल आ ओने मालीवाल! एह लोग के आपुस के ममिला बा तू लोग हई बाइसकोप लेके बेकार नू बवाल कइले बाड़ऽ. इयार-इयारिन के झगड़ा, बीच पड़े से लबारा! देश में एहु से बड़-बड़ ममिला बा.

हमरा बुझाला बबुआजी ठीके कहत बारन. उनकर बाबुओ जी इ खेल गेस्ट हाउस में करवा के इतिहास में अमर हो गइल बाड़न. ओकरा आगु त ई एकदमे छोट मोट ममिला बा. आ एक लेखा सोची त जे पेयार करेला ओकरा डाटहुँ के अधिकार होला कि ना! एही से दु-चार लात बाजिए गइल त हमरा समुझ से एकरा के तील के ताड़ बनावल ठीक नइखे. ठीक-बेठीक हमनी के कहिये के का करब. बुड़बक मुए पराए फिकिरे! एह खातिर थाना-पुलिस नइखे? कोट-कचहरी नइखे? हाकिम नईखे? ऊ त लोग के चुनाव में परचार के नाम प जमानत देइए देता. जो भाई तोरा जवन-जवन मन करे कर. के रोके वाला बा? रोकबो करी त ममिला हमरे भीर नु आई. फेर ते कहिहे कि बिधान सभा चुनाव बा. हाकिम कवनो होखसु उनका छोड़ही के पड़ी. काहे से कि सरह लाग गइल बा. आ भारत में सरह लगला के देर बा फेर त लोग रसातल के राहे बहे लागेला.

आच्छा त हम अब जातानी चुनाव के समय बा. कवन ठीक हाकिम कवनो के नॉमिनेशन करे खातिर छोड़ देसु आ ऊ आ के हमरे से हाथा-पाही करे लागे. जवन रोगिया के भावे से बैदा फरमावे!
जय राम जी की!

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up