20 साल के मनोज तिवारी

by | May 31, 2013 | 0 comments

manoj-tiwari-with-motherबहुते अइसन लोग भइल बा जे विपरीतो हालात में आपन पहिचान बनावल, अपना बलबूते सफलता लिहल, कबो कवनो दबाव का आगा झुकल ना, राह में आइल अड़ंगा से रुकल ना, आ समाज का दिल में आपन जगहा बना लिहल. अइसनके आदमियन में से एगो हउवें मनोज तिवारी जे लोकप्रिय गायको हउवें आ सिनेमा भोजपुरी के मेगा स्टारो. पिछला दिने मनोज तिवारी अपना कैरियर के बीस साल पूरा क लिहलन.

साल 1992 में मनोज तिवारी के गाना के पहिला एलबम ‘भोजपुरी हंगामा’ जारी भइल रहे. एकरा के कोलकाता के अंजली स्टूडियो में रिकार्ड कइल गइल रहे. दुसरका एलबम आइल ‘ए पहुंना’. मनोज तिवारी बीस साल पहिले पहिला बेर हेड फोन पहिनले रहन. काशी हिंदू विश्वविद्यालय से स्नातक भइला क बाद मनोज तिवारी कबो ना सोचले रहन कि ई हेड फोन उनका माथ पर बीसन बरीस रह जाई. एह 20 साल के संगीत सफर में लोग के दिल पर राज करे लागल बाड़न मनोज तिवारी.

सिनेमा भोजपुरी के नयका दौर मनोज तिवारी के फिलिम ‘ससुरा बड़ा पईसावाला’ से शुरू भइल रहे. भोजपुरी सिनेमा के नयका दौर ले आवे वाला मनोज तिवारी के भोजपुरिया बहुत प्यार करेलें आ इहे वजब बा कि उनुका एक स्टेज शो के बारह लाख रुपिया ले मिलेला जबकि दोसरा स्टारन के बमुश्किल दू ढाई लाख. स्टेज शो कराएवाला जानेले कि मनोज तिवारी के गाना लोग का दिल में उतरेला. मनोज तिवारी कबो फूहड़ फिलिम ना करसु आ एही चलते कमे फिलिम में आवेलें.

भोजपुरी मेगा स्टार मनोज तिवारी के फिलिम, जइसे कि ‘ससुरा बड़ा पईसावाला’, ‘देहाती बाबू’, ‘जनम जनम के साथ’, ‘धरती कहे पुकार के’, ‘प्यार के बंधन’, ‘बंधन टूटे ना’, ‘देवा’, ‘गंगा जमुना सरस्वती’ वगैरह, सिनेमा भोजपुरी के नया राह देखवली सँ, नया दिशा दिहली सँ. आजु मनोज तिवारी लीक से हटके बने वाली फिलिम करत बाड़ें. जइसे कि ‘परशुराम’, ‘धारा 144’, आ ऐतिहासिक ‘शेरशाह सूरी’.

मनोज तिवारी अइसन गायक हउवें जे भोजपुरी वीडियो एलबम के शुरुआत कइले आ जिनकर धार्मिको एलबम आजुवो चाव से सुनल जाला. मनोज तिवारी अइसन स्टार हउवन जे अमिताभ बच्चन, अजय देवगन, मिथुन चक्रवर्ती, जैकी श्राफ जइसन स्टारन के भोजपुरी सिनेमा का ओर ले अइलें. सबले अधिका टेलीविजन शो करेवाला स्टारन में से हउवन मनोज तिवारी जे रेडियो पर अंताक्षरी करत बाड़ें, आ टेलीविजन पर ‘भारत की शान’ देखावत बाड़ें, उनकर फैन फालोइंगो जबरदस्त बा. पूरा परिवार इनकर फिलिम टीवी पर देखेला काहे कि सभे जानेला कि मनोज तिवारी फूहड़ फिलिम ना करसु.


(शशिकांत सिंह, रंजन सिन्हा)

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up