मैसुरु 31 मार्च. भाजपा के राष्ट्रीय अध्यक्ष अमित शाह आजु कहलन कि दक्खिन में घुसल भाजपा के असल मनसा बा आ एकरा खातिर कर्नाटक विधानसभा चुनाव में भाजपा के जीत मील के पत्थर साबित होखी.
अमित शाह आजु पत्रकारन से बतियावत में कहलन कि भाजपा 21 राज्यन में सत्ता में आ गइल बिया बाकिर कर्नाटक के जीत ओकरा ला खास बा कोहे कि एकरा से दक्खिन में घुसे के राह खुल जाई.
कहलन कि कर्नाटक चुनाव में हार भा जीत के जवने परिणाम होखी ओकर असर 2019 के संसदीय चुनावो पर पड़ी. हालांकि उनुका पूरा विश्वास बा कि सही विकल्प भाजपे ही हो सकेले काहे कि कांग्रेस सरकार के राज में ई राज्य भ्रष्टाचार के गढ़ बन चुकल बा.
शाह दावा कइलन कि – 2014 के चुनाव का बाद हमनी का 11 राज्यन से कांग्रेस के बेदखल कइले बानी जा. कर्नाटको में सिद्दारमैया सरकार से कवनो मुकाबला नइखे लउकत. राज्य के लोग भ्रष्ट शासन हटावे के मन बना लिहले बा.
भाजपा अध्यक्ष के कहना रहल कि – सिद्दारमैया के नेतृत्व वाली कांग्रेस सरकार ‘भ्रष्टाचार के चक्रवात’ बनि के राज्य के लोगन पर असर डलले बिया आ अगर कहीं ई दुबारा जीत गइल त ई ‘सुनामी’ में बदल जाई.
जान जाई. कि कर्नाटक जीतल कांग्रेस ला जीवन-मरण के सवाल बनि गइल बा आ ऊ कर्नाटक जीतहीं ला हिन्दुवन के कमजोर करे आ बाँटे में लागल बिया.
