वइसे त भोजपुरी सिनेमा में गायक से नायक बने वालने के बोलबाला बा आ बहुत कमे स्टार अइसन बाड़े जे अपना अभिनय का बल पर बॉक्स ऑफिस पर आपन धाक जमवले बाड़े. अइसने स्टारन में अब एगो नया नाम जुड़ गइल बा राजीव दिनकर के.
राजीव के पहिलका फिल्म लाट साहब पिछला दिने बिहार में रिलीज़ भइल. बड़हन बड़हन सितारन के फिल्म आ ऋतिक रोशन के काइट्स का चलते लाट साहब तीने गो प्रिंट से रिलीज़ कइल गइल. बाकिर दोसरका सप्ताह में एह फिल्म के आठ आ तीसरा सप्ताह में दस गो अतिरिक्त थियेटरन में रिलीज़ कइल गइल. एक ओर जहाँ ऋतिक के काइट्स बिहार में बॉक्स ऑफिस पर ओंधे मूह गिरल ओहिजे लाट साहब धीरे धीरे सफलता के राह पर बढ़ चलल बा. कवनो कवनो थियेटर में त एह फिल्म के कलेक्शन बड़का फिल्मनों से बेसी भइल बा.
कोरियोग्राफर से अभिनेता बनल राजीव इकलौते अइसनकस स्टार बाड़े जिनकर तीन गो फिल्म का साथ एंट्री हो रहल बा. राजीव दिनकर, रविकिशन, आ जैकी श्रोफ अभिनीत बलिदान 18 जून के आ कबहू छुटे ना इ साथ अगिला महीना रिलीज़ होखे जा रहल बा. राजीव दिनकर के अभिनय क्षमता उनका ले भोजपुरी के नयका स्टार का रूप में स्थापित कर दिहले बा.
(स्रोत : उदय भगत )
0 Comments