उभरत कलाकार शैलेश सिन्हा

ShaileshSinha
वाराणसी, उत्तर प्रदेश से आइल शैलेश सिन्हा दिल्ली में पलइले-बढले-पढ़ले. दिल्लीए में कई मीडिया हाउसन में सात आठ साल काम कइले आ कुछेक टीवी शोज में नजर आ चुकल बाडन. साल 07-08 में भइल एगो कार रेसो में प्रतियोगिता में अव्वल आइल रहले. अनेके अवार्डो जीत चुकल बाड़न शैलेश सिन्हा.

एगो इंटरनेशनल अवार्ड फंक्शन का दौरान अभय सिन्हा अपना भोजपुरी फिलिम ‘प्यार झुकता नहीं’ खातिर शैलेश के कास्ट कइलन. इनकर नायिका रहली अक्षरा सिंह. एह फिलिम में खेसारी लाल यादव आ स्मृति सिन्हा के मुख्य जोड़ी रहल आ ई फिलिम साल 2013 के सुपरहिट फिलिमन में शामिल रहल.

हालही में शैलेश ‘औरत एक खिलौना नहीं’ फिलिम के शूटिंग पूरा कइले ह. एहमें मनोज तिवारी, रिंकू घोष, अउर मोहिनी घोष साथे बा लोग. ई फिलिम जल्दिए रिलीज़ होखी. एकरा अलावे दू तीन गो अउरिओ फिलिम के शूटिंग शुरू होखे वाला बा.

शैलेश सिन्हा के कहना बा कि ‘मनोज तिवारी आ दिनेश लाल यादव उनकर प्रेरणा ह लोग आ एह दुनू जने के अदाकारी से हमेशा कुछ ना कुछ सीखत रहेलें. शाहरुख खान के बड़का फैन हईं आ शाहरुख से हमार कई एक आदत मिलत जुलत बावे. हम हमेशा कोशिश करब कि इनके तरह बनी कि हमरो चाहे वाला होखसु.’


(संजय भूषण पटियाला)

Loading

कुछ त कहीं......

This site uses Akismet to reduce spam. Learn how your comment data is processed.

Scroll Up