पिछला दिने महावीर मूवीज इंटरटेन्मेंट प्रस्तुति एक्शन अउर पारिवारिक ड्रामा से भरल मनोरंजक भोजपुरी फिल्म ’मिटा देब रावणराज‘ के संगीतमय मुहूर्त मुंबई के अंधेरी स्थित एम फोर यू स्टूडियो में बिहार के मोतिहारी जिला के ढाका के विधायक पवन जायसवाल का हाथे नारियल फोड़वा के करावल गइल. एह मौका पर गायक मनोज मिश्रा के अवाज में गीतकार राजेश मिश्रा के लिखल गीत संगीतकार राजेश गुप्ता के धुन पर रिकार्ड कइल गइल.

एह मौका पर विधायक पवन जायसवाल बतवलें कि एह फिल्म से मोतिहारी शहर के अभिनेता सुभम सागर के भोजपुरी फिल्म इंडस्ट्री में पेश कइळ जात बा. फिल्म में कुल दस गो गाना रही जवना के रिकार्डिंग शुरू हो गइल बा. शूटिंग २५ सितम्बर से यू.पी. आ बिहार के मनलुभावन जगहन पर कइल जाई.

निर्माता महेश चौधरी, निर्देशक बाली, लेखक सुभम सागर, गीत राजेश मिश्रा, संतोष साजन, मनोहर जायसवाल, संगीत राजेश गुप्ता, छायांकन जगविन्दर सिंह हुण्डा, नृत्य नीरज मोहन, फाईट दिलीप के. यादव.

मुख्य कलाकारन में नवोदित सुभम सागर, मोनालिसा, समीर खान, इरफान खान, कृष्णा पाण्डेय, जसवंत कुमार, दीपक भाटिया, चारू शर्मा, गोपाल राय, राम गोपाल मालवीय, दिव्या सिंह, नीता परिहार, दीपक पटेल, एस.पी. गोविन्द कुमार, आ लवी श्रीवास्तव शामिल बाड़ें.


(संजय भूषण पटियाला के रपट)

By Editor

कुछ त कहीं...

This site uses Akismet to reduce spam. Learn how your comment data is processed.