रायपुर के डांस बार में मिलली गुंजन पन्त

by | Oct 10, 2012 | 0 comments

मारे मुस्की त कुतुबमीनार हिलेला… जइसन गीत कवनो आम जगहा का बदले मौज मस्ती वाला जगहे बेसी सुनाला. आ मनमोहिनी काया के मल्लिका, भोजपुरी सिनेमा के स्टार नायिका गुंजने पंत के देख लीं. ऊ कब मुंबई से अचानक छत्तीसगढ़, रायपुर चहुँप गइली केहु के पते ना चलल आ ताज्जुब त तब भइल जब गुंजन के रायपुर के एगो डान्स बार में नाचत गावत देखल गइल. सोचे वाली बात ई बा कि आखिर गुंजन के कइसन का हो गइल कि उनुका डांस बार में ठुमका लगावे आवे पड़ल?

अब एहमें बेसी सोचे भा सवाचे के जरूरत नइखे. ऊ त ई सब बाबा का दलान इंटरटेनमेंट के बैनर में बने वाली फिलिम “कोठा” के शूटिंग करत रही जवना के निर्देशक हउवें मनोज श्रीपति झा. एह फिलिम में गुंजन एगो खोजी न्यूज रिपोर्टर बनल बाड़ी. फिलिम में इहे देखावल गइल बा कि कइसन कइसन हालात से गुजरत खबरन के आम जनता ले चहुँपावल जाला.

गुंजन बतवली कि एह किरदार के जियतार बनावे ला ऊ पन्द्रह दिन ले फाईट आ स्टंट सीखे में लगवली. काहे कि एह किरदार खातिर गुंजन के मोटर साईकल चलावल, जुर्म-अत्याचार के खिलाफ लड़ाई लड़ल आ कोठा पर रहत औरतन पर होखत जुल्मों-सितम से ओहनी के बचावहु के रहल, एह किरदार के कईएक रंग बा जवन कि एगो चुनौती रहल बाकि गुंजन तनिको नर्वस ना भइली.

मुख्य भूमिका में गुंजन पन्त का साथे नवोदित पवन कुमार झा, रिंकू घोष, धर्मेन्द्र सिंह, मोनिका बत्रा, आनंद मोहन, जय सिंह, नीलिमा सिंह आ संजय पाण्डेय बाड़ें.


(अपना न्यूज)

Loading

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.

Scroll Up