भोजपुरी एक्शन स्टार विराज भट्ट आ नंबर वन अदाकारा रिंकू घोष के नईकी फिलिम ‘हथियार’ के शूटिंग पूरा होखते फिलिम के चरचा गरमा गइल बा. सगरी निर्माता निर्देशक आ वितरक एह बारे में अधिका से अधिका जाने ला बेचैन हो गइल बाड़े.
मशहूर निर्देशक जगदीश शर्मा के एह फिलिम के डबिंग पिछला दिने मुंबई के अंधेरी का एगो सेंटर प होखत रहे तबहिए अचानके भोजपुरी फिलिमन के जानल मानल निर्माता आलोक कुमार आ गइले आ विराज भट्ट अउर रिंकू घोष पर फिलिमावल गाना ‘तोहार वरदी बनल बा हमार सौतनिया’ देखलन. देखला का बाद आलोक कुमार एह गाना आ विराज भट्ट अउर रिंकू घोष के बहुते सरहलन आ दुनू जने के बधाई दिहलन. कहलन कि एह गाना से फिलिम देखे ला बेचैनी बन गइल बा.
निर्देशक जगदीश शर्मा खुदे आलोक कुमार के स्वागत कइलन.
(शशिकांत सिंह)
