तीन गो लखैरा दोस्तन पर बनल फिलिम “लखैरा” जल्दिए रिलीज कइल जाई. गाँव के लोग एह लखैरन के तनिको पसंद ना करे बाकिर ई तीनो लखैरा गाँव के लोगन पर होखत अन्याय आ अत्याचार से लड़े के मौका देखत रहेलें. बाद में जब बदमाशन के अत से एकनी के गाँव छोड़े के पड़त बा त तीनो तय करत बाड़ें कि एक दिन लवटीहें जरूर आ गाँव के एह बदमाशन का चंगुल से छोड़ा के रहींहे. जब बाद में तीनो आपन मकसद पूरा करत बाड़ें त गाँव के लोगन के नजरिया बदल जात बा एकनी का बारे में.

सुकृत फिल्म्स आ जन एकता फिल्म्स के “लखैरा” के डबिंग के काम पिछला दिने अंधेरी के दीक्षा स्टूडियो में पूरा कर लिहल गइल. निर्माता कृष्णा यादव के एह फिल्म के निर्देशन संजय सिन्हा कइले बाड़न. सामाजिक सरोकारन पर बनल एह फिलिम के कहानी चुनमुन पंडित के लिखल ह, संगीत अभिजीट झा दिहले बाड़न. गीतकार हउवन मोहम्मद जहरुद्दीन बेग आ अरविंद तिवारी के, अउर मारधाड़ निर्दैशन सिंह इज किंग के ह. नृत्य निर्देशन केदार सुब्बा आ कैमरा संचालन सानू सिन्हा के ह.

मुख्य कलाकारन में मनोज दाव, कल्पना शाह, सुबोध सेठ, आलोक यादव, निरुपमा श्री, तेज, रीमा सिहं, मास्टर चंदन आ तबीस आ आइटम गर्ल सपना आ ईशा पटेल.


(समरजीत)

By Editor

कुछ त कहीं...

This site uses Akismet to reduce spam. Learn how your comment data is processed.