धर्मेन्द्र अभिनीत हिन्दी फिल्म बगावत का बाद अब ओही नाम पर बनल भोजपुरी फिलिम “बगावत” में सुदीप पाण्डेय डबल रोल करत बाड़ें. डबल रोल करे में माहिर सुदीप पाण्डेय एहसे पहिले भोजपुरिया दरोगा, मसीहा बाबठ आ मि॰ ताँगेवाला में डबल रोल कर चुकल बाड़ें.
सवाल उठत बा कि डबल रोल काहे? शायद सुदीप कवनो दोसरा स्टार का साथे काम कइल ना चाहसु. सुदीप पाण्डेय के कहना बा कि ऊ भोजपुरी सिनेमा में हर स्टार का साथे काम कर चुकल बाड़े. सिंगल होखी कि डबल एकर फैसला लेखक आ निर्देशक करेलें अभिनेता ना. ऊ त बस आपन काम निकहा कर देबे के कोशिश करेलें. सुदीप बतवलें कि बगावत एगो बढ़िया फिलिम हवे आ उनुका पुरा भरोसा बा कि लोग एकरा के पसंद करी.
(संजय शर्मा राज के रपट)
0 Comments