सेसर बोर्ड से ‘यू’ सर्टिफिकेट लिहले समहर पारिवारिक मनोरंजन देबे वाली फिलिम ‘सजना मंगिया सजाई द हमार’ के भोजपुरिया दर्शक हाथो हाथ उठा लिहले बाड़न. परिणाम बा फिलिम के मिलत शानदार सफलता.
निर्माता हलचल सिंह आ निर्देशक ओमजी यादव के एह फिलिम के मुख्य कलाकारन मे राजस्थानी सुपर स्टार नेहाश्री का संगे अरविन्द अकेला ‘कल्लू’ के जोड़ी बनावल गइल बा. साथही अर्चना सिंह आ रवि राज दीपू के अभिनयो के दर्शक सराहत बाड़े. बालेश्वर सिंह के दबंगई आ मनोज सिंह टाईगर अउर सीपी भट्ट के काॅमेडिओ लोग के पसंद अवत बा.
बहुत दिन बाद कवनो भोजपुरी फिलिम के अइसन सफलता मिलल बा.
(रामचंद्र यादव)
