राजद.अध्यक्ष आ बिहार के मुख्यमंत्री रहल लालू प्रसाद यादव के चारा घोटाला मामिला में जेल जातही पटना में राजद मुख्यालय पर सन्नाटा पसर गइल. पार्टी कार्यालय का पिछला हिस्सा मे अलगा से बनल कोठरियन में रहे वाला कुछ लोग निराशा जतावत कहल कि अइसन फैसला के उमेद ना रहल.
पार्टी पदाधिकारियन के कक्ष पूरा खाली लउकल. हमेशा मुख्यालय मे मौजूद रहेवाला कार्यालय सचिव चन्द्रेश्वरो प्रसाद कतहीं ना लउकलें. फोन के घंटी घनघनात रहुवे बाकिर केहू उठावे वाला ना रहल.
सगरी बड़का नेता रांची गइल बाड़ें.
ओहिजे बगल के जदयू आ भाजपा कार्यालयन में गहमगहमी पहिलही जस लउकल.
(वार्ता)
0 Comments