एह साल के अपना पहिलका मन के बात में प्रधानमंत्री नरेंद्र मोदी कहलन कि ऊ चाहत बाड़न कि देश के नवही “प्रधानमंत्री फसल बीमा योजना” के देश भर का किसानन ले चहुँपा देसु आ एह काम में नवही लोग अपना अपना मोबाइल से एकर जानकारी अधिका से अधिका किसानन के देसु.
पीएम कहलन कि खादी में करोड़ो लोग के रोजगार देबे के बेंवत बा आ ई फैशनो में शामिल होखे लागल बा. स्वच्छता अभियान के मिलत सफलतो पर खुशी जतावत पीएम कहलन कि स्वच्छता का संगही अब सुन्दरतो जुड़े लागल बा.
गुआहाटी में 5 फरवरी से शुरू होखे जात दक्षिण एशियाई खेल के चरचा करत पीएम कहलन कि सार्क देशन से नाता मजगर करे के ई एगो बड़हन मौका बा.
स्टार्ट अप इंडिया कार्यक्रम का बारे में पीएम कहलन कि ई महज सूचना प्रौद्योगिकिए ले सिमट के नइखे रहे वाला आ एकरा से ढेरे नवहियन के रोजगार मिले के राह खुल जाई.
0 Comments