गाजीपुर 02 नवम्बर (वार्ता) भारतीय थल सेना मे बहाली खातिर एगो भरती मेला 21 नवम्बर से एक दिसम्बर ले उत्तर प्रदेश मे गाजीपुर के पी जी कालेज मैदान मे लगावल जाई.
जिलाधिकारी चन्द्रपाल सिंह रायफल क्लब सभागार मे सेना भर्ती अभियान के बढ़िया से करावे के योजना के समीक्षा करत अधिकारियन के निर्देश दिहलन कि लोक निर्माण विभाग बैरीकेडिग कराई, रोडवेज आ रेलवे अतिरिक्त बस आ ट्रेन चलइहे आ अभ्यर्थियन ला पेयजल के इंतजाम कइल जाई.
जिलाधिकारी कहलन कि कानून व्यवस्था मजगर बनावे ला रेलवे स्टेशन, बस अड्डा आ प्रमुख चौराहन पर निगरानी ला सीसी कैमरा लगावल जाई. कहलन कि समय से पहिले केहू के मैदान में ना घुसे दीहल जाई.
0 Comments