वित्त मंत्री अरुण जेटली आजु लोक सभा में आयकर कराधान कानून (दुसरका बदलाव) विधेयक, 2016 पेश कइलन। एह विधेयक में अघोषित आमदनी पर कुल मिलाके 50 प्रतिशत टैक्स आ सरचार्ज लगावे के प्रस्ताव बा। एह 50 फीसदी का उपर से 25 फीसदी अउर प्रधानमंत्री गरीब कल्याण जमा योजना-2016 में जमा करावे के पड़ी जवना प कवनो ब्याज ना मिली.
नोटबंदी क बाद भइल महाराष्ट्र के नगर निकाय चुनावन में बीजेपी बड़हन जीत हासिल करत लउकत बीया. पिछला बेरी भाजपा तिसरका नंबर के पार्टी रहुवे बाकि अबकी विजेता बन गइल बीया. कुल्ह 147 नगरपालिकन के चुनाव में भाजपा के 52 गो अध्यक्ष जीतल बाड़ें.
ई परिणाम देखि के लागत बा कि जनता नोटबन्दी पर प्रधानमंत्री मोदी के फैसला पसन्द कइले बिया.
मोहाली टेस्ट के तिसरका दिन के खेल ख़तम होखे बेरा भारत मजबूत हाल में। इंग्लॅण्ड के चार गो विकेट का नुकसान का बादो पहिला पारी में भारत के मिलल बढ़त से 56 रन पाछा।
मोहाली टेस्ट के तिसरका दिने भारत के पहिला पारी 417 रन बना के ख़तम हो गइल। पहिला पारी में भारत 134 रन के बढ़त बना लिहले बा।
करिया धन का खिलाफ भइल नोटबंदी के विरोध में आजु भारत बन्द करे के ऐलान किले रहले कुछ मालदार विरोधी पार्टी। बाकि जनता के बेरुखी देखत लोग एकरा के विरोध जतावल बता दिहले बा। बिहार का दरभंगा में बंवारा गोल ट्रेन रोक के आ लखनऊ में सपा का तरफ से सड़क जाम करे के खबर बा। बलिया में कवनो असर नइखे लउकत।
आजु भोरे नेपाल में आइल भूकम्प के झटका बिहारो के कुछ जगहन पर महसूस भइल। खास क के नेपाल से सटल इलाकन में। गोपालगंज आ चंपारण में अधिका बुझाइल। वइसे कतहीं से जान माल के नुकसान के खबर नइखे।
आजु के टटका खबर बीच बीच में अपडेट होखत रही, एहसे आवत रहब जब जब मौका मिले।
0 Comments