कोलकाता 06 नवंबर (वार्ता) आपन 199वां टेस्ट खेलत बल्लेबाजी के बादशाह सचिन तेदुलकर आजु अपना स्पिन गेदो के कमाल देखावत पौने तीन साल बाद कवनो विकेट लिहले.
चाय का बेरा ले कैरेबियाई टीम छह विकेट 188 रन पर गवाँ के गहिरा संकट में फँसल रहुवे जब कप्तान धोनी सचिन के एगो ओवर करे के कह दीहले. सचिन के गेंद मिलते पूरा ईडन गार्डन ताली बजावे लागल.
अपना ओवर के चउथा गेद पर सचिन शेन शिलिंग फोर्ड के पगबाधा करा दिहले. 199 टेस्ट के करियर में सचिन के ई 46वां विकेट रहल. एहसे पहिले गेंदबाजी में उनकर सबले बढ़िया प्रदर्शन दस रन पर तीन विकेट रहल बा. पिछला विकेट सचिन के जनवरी 2011 में केपटाउन में दक्षिण अफ्रीका के खिलाफ मिलल रहुवे. ओहू बेरा उ पगबाधे आउट करवले रहले विकेटकीपर मार्क वाउचर के.
सचिन एकदिना मैचन में बहुत सफल गेदबाज रहल बाड़े आ 463 वनडे में 154 विकेट लिहले बाड़न जवना में सबले बढ़िया रहल बा 32 रन पर चार विकेट के.
0 Comments