(बुध, 28 दिसंबर)
- मायावती अपना दू गो अउरी मंत्रियन, गैर परम्परागत ऊर्जा राज्य मंत्री अकबर हुसैन आ विज्ञान प्रौद्योगिकी राज्य मंत्री यशपाल सिंह के, बर्खास्त कर दिहली.
- लखनऊ में आजु राजनीतिक दल के नुमाइन्दन के मुख्य चुनाव अधिकारी उमेश सिन्हा चुनाव के नियम कायदा के जानकारी दिहले. मान्यता मिलल हर पार्टी अपना दल के चालीस आदमी के स्टार प्रचारक के दर्जा दे सकेला. एह लोग के यात्रा विवरण आ हेलीकाप्टर आ हवाई जहाज के विवरण देबे के पड़ी. बतावे के पड़ी कि कवना इलाका में कतना उड़ान भरल गइल आ ओह पर कतना लोग सवार रहे. चुनाव भइला का पन्द्रह दिन का भीतर अपना खरचा के विवरण आ मिलल चंदा के विवरण जमा करे के पड़ी. परचा दाखिल करे से एक दिन पहिले हर उम्मीदवार अपना चुनाव एजेंट का साथे संयुक्त खाता खोली जवना में बीस हजार भा अधिका के राशि चेक का मार्फत जमा करावल जाई. सगरी खर्चा एही खाता से करे के पड़ी. कवनो आदमी कवनो उम्मीदवार के खरचा के विवरण एक रूपिया के फीस दे के ले सकेला. अगर कवनो प्रत्याशी पेड न्यूज छपवावत बा त ऊ सजा के भागी बन जाई.
- पीस पार्टी, इण्डियन जस्टिस पार्टी आ अपना दल जइसन बीस गो छोटहन पार्टी मिल के इत्तेहाद फ्रंट बनवले बाड़न.
- बोर्ड के दावा बा कि परीक्षा देर से शुरू होखला का बावजूद रिजल्ट समय पर निकाल दिहल जाई. सगरी बोर्ड परीक्षा अब सोलह मार्च से शुरू होखी.
- दिन में घाम निकलला का बावजूद ठंड का गलन में कवनो कमी नइखे आइल. कुछ जगहा अबहियो घन कोहरा पड़त बा जवना से यातायात बाधित होखत बा.
0 Comments