मीरजापुर 16 दिसम्बर (वार्ता). सोमार का सबेरे करीब एगारह बजे कुछ अपराधी एगो सराफा व्यापारी के गोली मार के हत्या क दिहले आ ओकरा दस लाख रुपिया के गहना लूट ले गइले.
पुलिस से पता चलल कि गणेशगंज बहेलिया गली का शायरमाता मंदिर के नियरे सराफा कारोबारी राजेन्द्र सोनी के घर बावे आ गणेशगंज डंग के गली में दुकान. रोज के तरह आजुओ राजेन्द्र सोनी अपना घर से निकलले आ चौराहा प शिवमंदिर में माथा टेकला का बाद जसहीं अपना स्कूटी से आगा बढ़ले कुछ अपराधी उनुका के गोली मार दिहले आ उनकर झोरा ले के भाग निकलले. बतावल जात बा कि झोरा में करीब दस लाख के गहना आ नगदी रहुवे.
पुलिस एह मामिला में चार जने के हिरासत में ले के पूछताछ करत बिया. घटना के विरोध में गणेशगंज के सराफा दुकान बंद हो गइली सँ.
0 Comments