सभे जवन पहिले से कहत रहे उहे भइल आ मनोज तिवारी अभिनीत फिल्म “अपने बेगाने” बिहार में सफलता के झण्डा गाड़ दिहलसि. “भोजपुरिया डॉन” आ मर्द नं॰ १” का बाद सभे इहे उमेद करतो रहल कि मनोज तिवारी के “अपने बेगाने” सफलता के रिकार्ड बनइबे करी. के सी बोकाडिया के एह फिल्म के पिछला दिने जब बिहार के पचहत्तर सिनेमा घरन में एक साथ रिलीज कइल गइल त हर जगह भयंकर गर्मी का बावजूद दर्शकन के हुजूम जुट गइल एह पारिवारिक फिल्म के देखे खातिर. फिल्म के सफलता फेर बता दिहलसि कि मनोज तिवारी के जादू भोजपुरी सिनेमा में हमेशा चलत रही आ फिल्म में उनकर मौजूदगी निर्माता खातिर टकसाल के काम करी. कुछ लोग त कहतो बा कि भोजपुरी सिनेमा में बस मनोजे तिवारी बाड़े अपने बाकी सभे त बेगाना हऽ.


(स्रोत – शशिकान्त सिंह)

Advertisements