अमला के माई : बतंगड़ – 101

by | Nov 2, 2018 | 0 comments

बबुअवो कमाल के आदमी हवे. जबे लागेला कि अब ई सयान होखे लागल बा तबहिऐं कुछ ना कुछ अइसन बोल देला कि लोग माथा ठोक लेला कि हे भगवान, ई कहिया सयान होखी. आ जब लोग के ई हालत बा त ओकरा महतारी के पीड़ा सहजे समुझल जा सकेला.

बेचारी आन देश से का-का सोच के आइल रहुवे. सास मुअली त घर के मलकिनि बनला का नाते उऩुका गोलो-गिरोह के मलकिनी बनि गइल. आ भतार के मुअते त रानी हो गइल. ओकरा इशारा बिना कवनो आदमी-जन हिल ना सकत रहुवे. एक जने आपन बेंवत देखावे के कोशिश कइलन आ गोल-गिरोह के गद्दी पर बइठला का बाद ओकर हुकुम पर नाचे ला तइयार ना रहलन त उनुका के उघार क के दलान से फेंकवा दिहलसि आ अपने ओह गद्दी पर बइठ गइल.

अब एगो बेटा आ एके गो बेटी के महतारी घर के मलिकांव सम्हार लिहलसि. बिआहल बेटी बेटवा से जोग त रहुवे बाकिर दामाद अइसन गुरु घंटाल भेंटाइल रहुवे कि मौका मिलते पूरा ससुरारिए कब्जा ली. एहसे बेटिओ के घर के मलिकांव से फरके रखली. लोग त इहे जानत रहुवे कि बेटवा अबहीं अनुभवहीन बा बाकिर महतारी के त बढ़िया से मालूम रहुवे कि ऊ मतिहीनो हवे. ओकरा ऊपर कोढ़ में खाज का तरह ओकरा नशो धरा गइल आ बगैर नशा कइले ऊ रहिए ना सकत रहुवे. नशा त बेटिओ के धराइल बा आ साँझ होखते उहो टुन्न हो जाले. बाकिर बेटवा के अमल उनुका ला मुसीबत रहुवे.

महतारी पहिले त प्लान बनवली कि गाँवो के मलिकान अपने ध लीं बाकिर गाँव के बड़-बूढ एकरा ला तइयार ना भइलें त अपना एगो बराहिल के गाँव के गद्दी पर बइठवा दिहली आ ओकरे पाछे से गाँव के मलिकान सम्हार लिहली. ई इन्तजाम सबले बढ़िया साबित भइल काहे कि लूट-खसोट ई करसु बाकिर नाम जाव ओह बराहिल के. पूरा गाँवो जानत-मानत रहुवे कि एह बराहिल में अउर चाहे कवनो दोष होखे, ई बेइमान ना हो सके. बाकिर ओकर कमजोरी अइसन रहुवे कि अपना मलकिनी के इजाजत बिना मूततो ना रहुवे. ई इन्तजाम एह तरह ओह महतारी ला सबले नीमन रहुवे जे चाहत रहुवे के देर-सबेर बेटा एह जोग बनि जाव कि ओकरा के गद्दी पर बइठावल जा सके.

परदा पीछे से हर जतन कइली कि ओकर नशा छूटि जाव. एकरा ला ओकरा के बाहरो भेजली कई हप्ता के इलाज का बाद जब आइल त कुछ दिन ला लागल कि एकर अमल अब छूटि गइल बा. बाकिर ई भरम जल्दिए टूट गइल. एही बीच गाँव के गोतिया-देयाद गद्दी पर से इनका बराहिल के हटा के आपन आदमी बइठा दिहलें. आ ओहि दिन से महतारी बेटा के दुर्दिन शुरु हो गइल. पहिते त सोचली कि ई नयका आदमी उनुका के सजा करावे के इन्तजाम करी आ तब ई अपना ला गाँव के आम आदमी के दया-ममता बिटोर के फेरु गद्दी पर काबिज होखे के कोशिश करीहें. बाकिर ई नयका आदमी अतना चालाक निकलल कि गाँव का लोग के शिकायत अनसुनी करत रहल आ महतारी-बेटा का खिलाफ कवनो कार्रवाई ना कइलसि.

जबरा मारबो करे आ रोअहूं ना देव के हालत तब बनि गइल जब एगो दोसर आदमी चाणक्य बनि के आपन चोटी खोल के उनुका खिलाफ कानूनी लड़ाई के लगाम थाम लिहलसि. अब ऊ बेचैनो रहली बाकिर आम लोग के दया-ममता ना जीत सकत रही. काहे कि इहो आदमी आमे जनता रहुवे सरसरी निगाह में. अदालत से जमानत त मिल गइल बा बेटा-महतारी के बाकिर लोगो अब जाने लागल बा कि महतारी-बेटा कइसन घोटालेबाज ह लोग.

बेटा के लगा त दिहले बाड़ी जनता के नेता बने ला आ बेटा के सिखावे-पढ़ावे ला अपना खास आदमी-जन के लगाइओ दिहले बाड़ी बाकिर बेटवा रहि-रहि के कुछ ना कुछ अइसन बोलिए देत .बा जवना से ओकर मतिसून आ अमली भइला के राज खुल जात बा. कबो ई आलू से सोना बनावे लागत बा, त कबो बेरोजगारी से आतंकी. अरे पगला तेहूं त बेरोजगारे बाड़े, त एहिसे आतंकी बने के कोशिश करत बाड़े का. लोग के बूड़बक बनावे का फेर में एकरे बुड़बकाही सोझा आ जात बा. आ महतारी कपार ठोक लेत बाड़ी.

हे दइब, कुछहु करीह बाकिर केहू के अमला के माई जनि बनइह.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up