आनन्द संधिदूत के दू गो कविता

by | Apr 24, 2021 | 0 comments

(एक)

फूल के, फर के, टपक-चू के निझा जाए के बा.
के रहल, कइसन रहल एहिजे बुझा जाए के बा.

फूल के पचकत तपन बन के जुड़ा जाए के बा
ए दिया तोहरा भभक के बुता जाए के बा.

जिन्दगी हउए अगर रुकबऽ रुकी, चलबऽ चली
या तऽ घिस जाए के बा या जंग खा जाए के बा.

सोर बा एतना कि सोचे में बड़ा लौना लागे
काँच पाकल जौन बा तौने पचा जाए के बा.

का फरक बाटे पड़त लाठी चले कंकड़ चले
रात का तरई नियर किस्सा छिटा जाए के बा.

जलन नियर अतीत ना कइले छमा धीकत रही
ना बुतइबऽ त धुआँ बन के हेरा जाए के बा.

कहत जेकरा के प्रगति ऊ हऽ समुन्दर के लहर
उठ गइल त का भइल, गिर के समा जाए के बा

(दू)

गड़तिया अँखिया बथत बा कपार
हमें सुतहूँ न देत बाटे पेट के पहाड़.

काम बाटे केतना ले बीने के बेरावे
रतिया बिछावे के अँजोरिया सुखावे के
हाँके के बा तरई उड़ावे के बा चान
हमें सोचहूँ न देत बाटे पेट के पहाड़.

पेटवो में पेट जइसे छिलका पिआज के
साँप मुंह बेंग बइठ जोहेला सिकार के
एतने सुलभ सुख एतने सुतार
हमें कहहूँ न देत बाटे पेट के पहाड़.

छन-छन बदलत सुख सुघरइया
बदरा बयार बूनी फुलवा पतइया
फूलि-फूलि सूखि जाता सुरुचि सिंगार
हमें देखहूँ न देत बाटे पेट के पहाड़.

रावा-रावा कन-कन टेर पारे दुनिया
कहीं बोले कोकिला त कहीं ललमुनिया
काटऽ तानी अँगुरी बेरावऽ तानी घास
हमें सुनहूँ न देत बाटे पेट के पहाड़.

छोड़ि-छोड़ि खात बानीं धइ-धइ कनवाँ
कुल्हि बनि देखलीं न कतहीं चएनवाँ
तोरऽ तानी’ दिकिया नववले अधिकार
हमें रोवहूं न देत बाटे पेट के पहाड़.

(वारसलीगंज, मिर्जापुर.)
(भोजपुरी पत्रिका पाती से)

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up