एही शौचालय की कारन ही ससुरा त्याग, नैहर में लौट गइली दुलहिनिया

by | Jun 9, 2015 | 0 comments

– नर्वदेश्वर पाण्डेय देहाती

N_Pandey_Dehati

बदली समाज अब स्वच्छता अभियाने से,
जागरुक होत हई घर-घर बबुनिया.
बाबुजी हमरा के ओइजा ना बिअहब,
जवना घरे बनल ना होई लैटिनिया.

देखीं महराजगंज प्रियंका सखी का कइली,
ससुरा के छोड़ मायका गइली दुलहिनिया.
सौम्या अग्रवाल जिलाधिकारी ओइजा के,
ब्रांड अंबेस्डर के कइली घोषनिया.

संतकबीर नगर की मेहदावल क्षेत्रे में,
बढ़या ठाठर गांव के दुसरकी कहनिया.
एही शौचालय की कारन ही ससुरा त्याग,
नैहर में लौट गइली ज्योति दुलहिनिया.

कुशीनगर में बहू विदेह कइली,
माहुर खाके मिटावल चहली जिन्दगनिया.
हाटा कोतवाली के लालीपार गांव में,
एही दुखे प्रियंका कइली नदनिया.

बोलीं बेटाबालन से आपन डिमांड देखें,
दान आ दहेज देखें बड़की रकमिया.
समधी बन सीना फुलावला से पहिले,
शौचालय बनवावें अपनी मकनिया.

बड़का खानदानी गुमानी अभिमानी,
चाहें बावन बीघा बोआइल होखे पुदनिया.
डूबी जाई पगड़ी, मोछियो उखड़ जाई,
जहिया दिन घरवा से भागि जाई कनिया.

शादी बियाहे में बहुते प्रदर्शन बा,
गाड़ी-घोड़ा, खान-पान, नचनिया-बजनिया.
मंगन दहेज के लुटावत हवें पइसा,
गारि लिहलें बेटिहा से एडवांस में रकमिया.

सुनीलां की जेल में भी बनल शौचालय बा,
ओकरा घर जेल से भी बदतर कहनिया.
सौ गो बेमारी धरी एके बाथरूमे बिन,
रोइ रोइ बाबुजी से कहेले बबुनिया.

बाबुजी हमरा के ओइजा ना बियहब,
जवना घरे बनल ना होई लैटिनिया.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up