कहनी-अनकहनी – प्रकाशक का कहनी

by | Nov 20, 2017 | 0 comments

भोजपुरी साहित्यकार विनोद द्विवेदी के लिखल छोट छोट कहानियन के संग्रह “कहनी-अनकहनी” प्रकाशित हो गइल बा. एह संग्रह के बारे में प्रकाशक के कहनाम एहिजा दीहल जा रहल बा –

लघुकथा कहानी के ऊ लघु-विन्यास ह, जवना में जिनिगी के कवनो खास पल, कवनो घटना, क्रिया-व्यापार भा संवेदन-सूत रहेला. कथा बीने-बनावे वाला ओही के कहनी की छोट काया में अपना लूर-ढंग से बीनत समाजिक जथारथ के विद्रूप-विसंगति, संवेदनहीनता आ विडम्बना भा मानवी-मूल्य के संकेतिक रुप में उद्घाटित करेला. पढ़वइया-सुनवइया रे नजर खुद-ब-खुद ओह ‘साँच’ पर पहुँच जाला, जवन कथाकार देखावल चाहत रहेला. मानवी-मूल्यन के क्षरण, अनीति, भ्रष्टाचार आदि नकारात्मक पक्ष उजागर करे का साथ-साथ रचनाकार ओह सकारात्मकता आ नेह-निष्ठो के रचनात्मक उरेह करेला, जवन मनुष्य आ मनुष्यता के दिशा देव.

अरसा से अनुज विनोद द्विवेदी एह विधा (लघुकथा) में अपना रचनात्मकता बल-बेंवत आ कला के साधत, गति देत आइव बाड़न, बिना कवनो चाह-चिन्ता के कि ऊ साहित्याकर कहासु. पछिला तीन-चार दशकन में उनकर कतने लघुकथा कईएक प्रमुख पत्र-पत्रिकन में प्रकाशित चर्चित भइली सन. उनहने के बीनत-बटोरत ई छोट संग्रह कहनी-अनकहनी तइयार हो गइल. विनोद जी घर-परिवार-समाज आ देश के जरत-बुतात सवालन से मुठभेड़ करत, आदमी का अमानवी बात-ब्यौहार आ कथनी-करनी के अपना कथा के विषय बनवले बाड़े. संग्रहित कहानियन के समय-संदर्भ पछिला तीस सालन के बा, तब्बो ऊ प्रासंगिक आ अरथवान बा.

‘पाती’ परिवार से जुड़ल रचनाकार के एह प्रासंगिक कृति के प्रकाशन करत खा हम आश्वस्त बानी कि भोजपुरी पाठक-वर्ग एह संग्रह के स्वागत हृदय से करी !

– डॉ अशोक द्विवेदी,
संयोजक,
पाती प्रकाशन (बिग-सी मीडिया ग्रुप के इकाई),
नई दिल्ली


विनोद द्विवेदी के परिचय –
जन्म – 3 सितम्बर 1958 का दिने उत्तर प्रदेश के गाजीपुर जनपद के सुल्तानपुर (डाकघर – गोसपुर) गाँव में.
शिक्षा – स्नातक
आजीविका – भारतीय खाद्य निगम में अधिकारी
संपर्क-सूत –
एन-10 79 आर.बी.सी.,
आर. के. पुरम्, न्यी कालोनी,
ककरमत्ता,
वाराणसी.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up