गाई गाई लोरिया

by | Sep 7, 2010 | 12 comments

– ओ.पी. अमृतांशु

गाई गाई लोरिया निंदरिया बोलावेली अँगनवा में
दादी चान के बोलावेली अँगनवा में.

आरे आवऽ बारे आवऽ, नदिया किनारे आवऽ
सोने के कटोरवा में दुध भात लेले आवऽ
दूध भात मुँहवा में घुट से घुटावेली अँगनवा में
दादी चान के बोलावेली अँगनवा में.


तेलवा फुलेलवा से अबटि चबटि के
नजरि उतारेली मरिचवा अईंछि के
घरी घरी चुमेली चाटेली चुचुकारेली अँगनवा में
दादी चान के बोलावेली अँगनवा में.

बबुआ के माई पुआ पुड़िया पकइहें
मामा मामी गुड़वा के भेलिया ले अइहें
मीठा मीठा ममता के रस बरसावेली अँगनवा में
दादी चान के बोलावेली अँगनवा में.

अईयो रे नींदिया निंदरवन से आ जो
बबुआ के अँखिया में हौले से समा जो
झिरी झिरी नेहिया के बेनिया डोलावेली अँगनवा में
दादी चान के बोलावेली अँगनवा में.

(ई गीत कवि अपना स्वर्गवासी दादी के समर्पित कइले बाड़े.)


ओमप्रकाश अमृतांशु युवा चित्रकार आ भोजपुरी गीतकार हऊवन. इनकर सृजित कलाकृतियन के देश में आयोजित होखे वाला अखिल भारतीय चित्र -प्रदर्शनियन में नई दिल्ली ,वराणसी, जोरहट , धनबाद, पटना,आरा आदि शहरन में देखावल जा चुकल बा. राज्य – स्तरीय चित्र प्रदर्शनी, आरा के आयोजन समिति के सदस्यो रहल बाड़े आ. दर्जनों नुक्कड़ चित्र –प्रदर्शनियों में भागीदारी आ एकरा अलावे देश के प्रतिष्ठित पत्र –पत्रिका में रेखांकन प्रकाशित हो चुकल बा.

इनकर लिखल गीत भोजपुरी गायिका देवी आ पूजा गौतम अपना स्वर से सजा चुकल बाड़ी. साथही मशहुर चित्रकार भुवनेस्वर भास्कर के बहुचर्चित परफार्म “परिणति ” के गीत- लेखनो में सहयोगी रहल बाड़े.

Loading

12 Comments

  1. Keshav Mohan Pandey

    वाह, राउर ई लोरी सुन के मन छ्छना गइल। रउरा लोरी के आदर में हम त एगो लोरिए के माध्यम से कहेब –
    ‘बाबू हो तू कत्थी के?
    आधा सोना आधा रूपा के
    पितिया पितम्बर के
    लोग-बिराना माती के।’

  2. Noorain

    बहूत सुंदर रचना बा अमृतांशु जी.
    एतना बढ़िया निहोरा पर चंदा मामा जरूर अंगना में आ जयिहेंन ..

  3. DINESH CHANDRA GUPTA

    Beeran bhaiyaa aeehain anavaeeyaa ho, savanavaan mein naa jaeebai nanadee
    Beeran bhaiyaa aeehain anavaeeyaa ho, savanavaan mein naa jaeebai nanadee
    Jaaee kahaa more baare sasur se, Jaaee kahaa more baare sasur se abakee niyaravaa deehain taari, savanavaan mein naa jaeebai nanadee
    Beeran bhaiyaa aeehain anavaeeyaa ho,savanavaan mein naa jaeebai nanadee……
    AAP KA
    D C GUPTA
    KOLKATA

  4. Arti Makhija

    Good emotional touch in your beautiful poetry OP Ji.
    Well done, all the best for more and more compositions.

  5. DINESH CHANDRA GUPTA

    अईयो रे नींदिया निंदरवन से
    आरे आवऽ बारे आवऽ, नदिया किनारे आवऽ
    सोने के कटोरवा में दुध भात लेले आवऽ
    दूध भात मुँहवा में घुट से घुटावेली अँगनवा में
    दादी चान के बोलावेली अँगनवा में.
    ”YE GEET HAM SABHI MATAO KE LIYE SAMARPIT KARTE HE”
    AAP KA
    DINESH CHANDRA GUPTA
    S/O-SRI BHRIGU PRASAD
    A/P-VIDYA VHAWAN NARAIANPUR
    DIST-BALLIA (UP)277213
    CAMPOT- KOLKATA
    SEL NO-+919830905865
    E-MAIL- dinesh.chandragupta71@gmail.com

  6. DINESH CHANDRA GUPTA

    BHOJPURI KI JAI HO

  7. shelly sharma

    bahut badiya likhela ho!

  8. Sahil

    AWESOME O.P.ji maza aa gaya dil ko chhu gayi aapki lori.

  9. Nidhi Kairos

    वाह! लोरी पढ़ के हमारो हमार दादी के याद आ गइल.
    सचमुच अच्छा लागल .
    धन्यवाद !
    रंजीत कैरोस

  10. Nidhi Kairos

    अमृतांशु जी अच्छा लागल लोरी के बुनावट आ दादी के गुनगुनाहट .
    धन्यवाद !
    निधी कैरोस

  11. preeti sahay

    ‘dadi ka apne bachche ke prati prem’ ka bahut hi pyara aur snehpurn chitran!! ek bahut hi pyare rishte ko darshata hua 🙂

    a refeshing reminder of the significant role of grandparents in a child’s life – something that is being forgotten in today’s modern world!

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up