बतकुच्चन – ५७

by | May 4, 2012 | 1 comment


जमाना खराब हो गइल बा. कब केकरा कवन बाति बाउर लाग जाई आ ऊ रउरा के कूटे लागी कहल ना जा सके. विदूषक, बतबनवा, लबार, कामेडियन आ कार्टूनिस्टन के पिटाए के अनेसा हमेशा बनल रहेला. हमार मुंह टेढ़ काहे बनवले, चल हम तोर मुँह टेढ़ कर देत बानी. एहसे हमहू सोचत बानी कि बहुत सम्हरिए के रहल जाव. पानी में रहे के बा त मगर से बैर निभावल बुद्धिमानी के काम ना कहल जाई. दुनिया में आधा से अधिका संकट निमनकन का चलते आवेला जे अपना के अतना निमन बुझेलें कि उनुका दोसर लोग हमेशा बाउर लागेला. घर वाली तनी फूहड़ रहे त जिनिगी बड़ी आराम से कट जाला. अब अन्ना ईमानदार ना रहीतन त कतना शांति रहीत अपना देश में, सोचीं. सभे मस्ती से अपना काम में लागल रहीत आ कुछ ले दे के आपन काम निकालत रहीत. ले दे के काम त अबहियो निकालले जात बा बाकिर तनी लुका छिपा के. पहिले जस खुला खेल फर्रुखाबादी नइखे होखत. करिया झंडा देखावे वाला करिखा पोते वाला पहिलहू पिटात रहले अबहियो पिटात बाड़े. बाकिर कुछ लोग के आदत हो जाला कि पिटात रहीहें बाकिर आपन आदत ना छोड़ीहें काहे कि उनुकर कुछ कमिटमेंट होला जवना से ऊ मुकर ना सकसु. खैर ई सब चरचा त लागले रही. अब देखीं ना दिल्ली में कांग्रेस जीतल आ भाजपा हार गइल बाकिर लोग बा जे कि माने के तइयारे नइखे. कहत बा लोग कि कांग्रेस हार गइल जब कि ओकरा पिछला चुनाव से बेसी सीट मिलल बा आ भाजपा के पिछला चुनाव से कम. अब रउरे बताईं कि भाजपा हारल कि कांग्रेस? ई सवाल कुछ वइसने हो गइल जइसे कि केहू पूछ देव कि बताईं निहुरल, ओलरल आ पलरल में का अंतर बा. अरे तीनो त टेढ़े भइल होला. आगे ओर टेढ़ होखीं त निहुरल, अगल बगल टेढ़ होखीं त ओलरल आ पाछा का तरफ टेढ़ होखीं त पलरल. निहुरे वाला के कवनो सहारा के जरुरत ना पड़े. बाकिर ओलरल भा पलरल के कवनो सहारा खोजेला कबो कबो जवना पर ऊ ओलर भा पलर सको. नेता आ प्रवक्ता लोग त हमेशा निहुरत ओलरत पलरत रहेला काहें कि ओह लोग के अपना बाति के घुमा फिरा के सही साबित करे होखेला. फटला में पेवन लगावत रहे के होला जेहसे कि बाति उघार मत होखो. अंगरेजी में ओह लोग के स्पिन मास्टर कहल जाला बाकिर हमनी के देसी बोली में रफूमास्टर. प्रवक्ता लोग बहुते बढ़िया रफूमास्टर होलें. रिजल्ट आवे का पहिले ले दावा करत रहीहें कि जीत पकिया बा. हारे लगीहें तबहियों फेंकत रहीहें कि तनी दम धरीं, आखिरी नतीजा आवे दीं. देखब ई सगरी बढ़त बदलि जाए वाला बा ! ना बदलल त सोचे लगीहें कि आखिर कहाँ गलती हो गइल. अरबा त सही रहल कुनबा कइसे डूब गइल ? जबकि एह चुनाव में कांग्रेस के हार के असली दोषी के केहू नाम नइखे लेत. ठीक चुनाव का दिने अमूल अपना दूध के दाम बढ़ा के लोग के महँगाई के दरद ताजा कर दिहलसि आ अमूल के चाय पी के लोग महँगाई का खिलाफ वोट दे आइल. ना सोचल कि वोट त सफाई करेवालन के होत बा. अब इहे देख लीं ना कि अपना बतकुच्चन का फेर में हम केने से केने निकल अइनी. अब चले दीं. भूल चूक माफ करब.

Loading

1 Comment

  1. चंदन कुमार मिश्र

    निहुरल, ओलरल आ पलरल के माने पर कबो धेयान ना गइल रऽलऽ। मालूम तीनो रहले रऽलऽ…

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up