बढ़िया लिखीं,बढ़िया सुनीं, बढ़िया देखीं – कहली मालिनी अवस्थी

by | Sep 8, 2013 | 3 comments

malini-bhagalpurपिछला दिने बिना मतलब एगो विवाद का केन्द्र में आ गइल मालिनी अवस्थी आजु का दैनिक जागरण में प्रकाशित अपना लेख में भोजपुरी के सम्मान दिआवे का दिशाईं कुछ राय दिहले बाड़ी. मालिनी अवस्थी के कहना बा कि भोजपुरी के कबो उ राजाश्रय ना मिलल जवन बाकी भसन के मिलल आ भोजपुरी अपने बूते आजु ले चलत आइल बिया. भोजपुरी के बचावे रखला में आ एकर पसार दुनिया भर ले करावे में भोजपुरी के ओह लोग के बड़हन योगदान बा जे भोजपुरी में अपना जिनिगी के दुख सुख गा के एकरा के जियवले रखलन आ अपना संगे एकरा के भर दुनिया ले गइलन. बाकिर आजु भोजपुरिया लोग के एगो बड़का वर्ग भोजपुरी में आइल सांस्कृतिक पराभव का चलते एकरा से उदासीन हो गइल बाड़ें.

मालिनी अवस्थी एह सांस्कृतिक पराभव के जड़ नब्बे का दशक में आइल भोजपुरी गीत गवनई के गिरावट से जोड़ले बाड़ी. ओह दौरान आइल नया नया गायक भोजपुरी में फूहड़पन के शुरुआत कर के बाजार पर काबिज होखे के कोशिश कइलन आ ओह गिरावट के बादो में आइल गायक बढ़ावत गइलें, कहे के मतलब ई कि बाजार का फेर में भोजपुरी के बाजारू बना दिहल लोग. एही चलते भोजपुरी समाज के शिष्ट वर्ग एकरा ओर से मुँह फेर लिहलसि.

एगो मशहूर लोक गायिका का रूप में जानल जाए वाली मालिनी स्वाभाविक रूप से भोजपुरी के ओही अंग के सामने रखले बाड़ी जवना से ऊ बढ़िया से परिचित बाड़ी. भोजपुरी के सार्वजनिक पहचान एकरा गीते गवनई से बा एह बात से केहू इन्कार ना कर सके बाकिर भोजपुरी के जीवन्तता में भोजपुरी साहित्यो के योगदान के अनदेखी कइल ठीक ना रही.

अपना लेख में भोजपुरी में आइल गिरावट से निबटे के सलाह देत मालिनी के कहना बा कि बढ़िया लिखीं, बढ़िया सुनीं, बढ़िया देखीं. एहमें हम इहो जोड़ल चाहब कि बढ़िया पढ़ीं, बढ़िया सुनाईं, बढ़िया देखाईं. बाजार का फेर में बाजारू मत बनाईं भोजपुरी के.

Loading

3 Comments

  1. bikrama singh

    मालिन जी राउर लिखल हर आदमि तक पहुचि तबे भोजपुरी लोगन के कलयान होइ !

  2. NEEMAN SINGH

    जवन लोग तवन भाषा ,इहे त बा भोजपुरिया गवई के मनई के अभिलाषा.
    नीमन त उनका अनुसार उहे बा .रुआ उनकर सोच बदले के परी.
    जवन संभव नईखे .

  3. santosh patel

    बहुत सार्थक बात, बाकिर बाजार के चलते भाषा के “मैकडोनाल्डीकरन” कैसे रुकी? ई विचारणीय प्रशन बा. मालिनी जी के सुझाव बढ़िया लिखीं, बढ़िया सुनीं, बढ़िया देखीं “से हमहूँ सहमत बानी बाकिर बाज़ार से मुक्ति संभव बा?

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up