माटी के लोर माटी में

by | Jul 8, 2013 | 3 comments

AnupPandey

– अनुप पाण्डेय

kisan
आग लागो बेरहा परो अइसन विकास में
गांव अबो खड़ा बा पहिलका इतिहास में
भूख खा के पियास पी के लोग रोज सुतेले
किसान के कफनो भर के ताकत नइखे रुई में कपास में
…………
जवान बेटी रहे कापर पर भूख रहे पेट में
मंगरू जहर खा के सूत गइले उँखी के खेत में
मुनिया के मांगी में कइसे भराइ सेनुर दहेज़ के
सताईसे गो रुपया मिलल उनका धोती के चेट में
……………
बिरजू से मिलनी त कहनी कि आपन हाल चल बतावऽ.
अरे …..तू तs खास तारs एकर दवाई काराव
………
कहले कि लोरे त फायदा बा भारत के किसानी में
देखीं ना बुढ नियन लागत बानी सउँसे जवानी में
…………….
सरकारी किताब में हमनी के एतने त आदर बा
छः रूपया गेंहूँ बा अउर तीस रूपया खादर बा
……………
मुअले बिना जियत बानी रउरा आपन बताई
उँखी के पुर्जी भजें तब न दवाई कराई
…………………….
मिलनि छः महिना बाद
त हमरो करेज पिघल गइल रहे
तबले बिरजू के खांसी दवाई के अभाव में
टीबी में बदल गइल रहे
…………
रोवत घर आंगन बा
डहकऽता दिवाली अउरी होली
गवई गरीबी के इहे त निदान बा
बैले के पगहा के फँसरी
ना त सल्फासे के गोली


अपना एह कविता के आपन सबले प्रिय कविता बतावे वाला अनुप पाण्डेय स्वतंत्र पत्रकार आ कवि हईं. इनका से 08800638578 भा anupkmr77@gmail.com पर संपर्क कइल जा सकेला.

Loading

3 Comments

  1. omprakash amritanshu

    खूब सुन्नर भाव बा कविता में .बहुत -बहुत धन्यवाद .

  2. Ashwinee

    Bda achha lagal tohar kavita padhke… Hm chahtani ki aisan kavita likhal kr… Aur aage badhal kra….thanks..

  3. प्रभाकर पाण्डेय

    बहुते बढ़िया चित्रण ग्रामीण समाज के।। माटी से लिखल, माटी के कविता।। आभार।

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up