सपना के फेंड़

by | Aug 19, 2018 | 0 comments

– ऋचा

चलऽ, फेरु सपनन के फेंड़ लगाईं जा !
मउरल-दनात अमराई से अलगा
सड़की का गुलमुहरन का नीचे
लुकवा दीं जा कूल्हि पुरान योजना
हरियर सुतरी अस लटकत सहजन का झोंप में
बान्हि आईं जा आपन चाह-चिन्ता
जवन होई, तवन होई
आवऽ रेंगनी का काँटन से लथरल जथारथ में
फेरु से नया पौध लगाईं जा
सपनन के !

इच्छा त हइये हई स अनन्त
कहाँ पूरेली सँ, कबो !
अब आधी-अधूरी, बसिया -ताजा जवन होखँ सन
दे दीं जा फिलहाल उनहन के
टेसू- फूलन के बिस्तार
बस बीनि-बीछि के मूर्त्त करीं जा
एक-एगो सपना
पारा-पारी ।
ओमें भराय अमलतास आ गुलमुहर का
फूलन के रंग आ गन्ध
उन्हन के रहस भरल पँखुरिन से
कुछ न कुछ लेके
गूँथि लीं जा एगो माला
ओही में ठाँवाँ ठाईं गूँथ लियाई
एकाध गो मोती अपना बीनल-बीछल इच्छा के
मन के पूरल धागा में
के जाने, कब सुतत-जागत
पूरिये जाय कवनो सपना !

चलऽ, आजुये बो आईं जा
कवनो सपन-बीज कहीं
कोड़ि के माटी एही राह, एही घाट, एही मैदान में
एकोरा
हो सकेला ऊ एक दिन
बन जाय बिरिछ
फूल-फर से लदरियो जाय
आ लवट आवें सँऽ
हमन के छोड़ि के गइल चिरई- चुरुँग ।।


  • श्री विजय दुबे, भरून्धा कछार, वाराणसी रोड,
    ‘कार फाइन एसेसरीज‘ के पीछे, मिर्जापुर 231001 उ0प्र0

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up