आजुवे इमेल से मिलल लिंक से डाउनलोड कइनी नोएडा से छपल भोजपुरी पंचायत पत्रिका के पहिलका अंक. कवर समेत बावन पन्ना के एह पत्रिका में भोजपुरी में एक पन्ना दिहल गइल बा. बाकिर सब कुछ हिन्दी में, कविता, कहानी, लेख सगरी हिन्दी के. हँ एह पत्रिका से साफ पता लाग जात बा कि भोजपुरी के मौजूदा कर्णधार के के बा, के के हो सकेला. हालांकि एगो चेहरा जरूरे बेजगहा लागल आ ऊ चेहरा ह नीतीश कुमार के. पता ना का सोच के भा कवना मकसद से नीतीश कुमार के फोटो भोजपुरी के रियल हीरो के समूह में शामिल कइल गइल बा. भोजपुरी खातिर नीतीश कुमार के योगदान के जानकारी हमहू पावल चाहब. खैर, चूंकि लगभग पूरा पत्रिका हिंदी में एह से हमरा ढेर ध्यान देबे के जरूरत ना लागल. भोजपुरी पंचायत पत्रिका भोजपुरी के कम भोजपुरी राजनीति के पत्रिका बेसी लागल. गंगा बहल शुरू ना भइली बाकिर नहाए हाथ धोवे के तइयारी पूरा बा. दिल्ली में देश के दिल बसेला. ओहिजा से राजनीति चलावल चमकावल बहुते आसान होला. बाकिर अगर ई पत्रिका भोजपुरीए में रहीत त जरूरे बहुत नीक लागीत. पत्रिका के साज सज्जा, छपाई के गुणवत्ता बहुते बढ़िया बा. देखे लायक होखी कि ई पत्रिका भोजपुरी इलाकन में कब ले आ कइसे चहुँपत बा. भोजपुरी पत्रिका प्रकाशित कइल बहुत खर्चा वाला काम होला आ ओकर खरचो निकालल दूभर होले. बाकिर हिंदी में पत्रिका होखला का चलते एह पत्रिका के विज्ञापन के भरपूर समर्थन मिली एकर उमेद कइल जा सकेला आ उहो लोग एकरा के चाव से पढ़ सकेला जेकरा भोजपुरी बोले समुझे त आवेला बाकिर लिखे पढ़े ना.
एह पत्रिका के संपादक, प्रकाशक, आ मुद्रक कुलदीप कुमार हउवें. पत्रिका के बेसी जानकारी फोन 011-43022731 से लिहल जा सकेला.
रउरो चाहीं त एह पत्रिका के http://www.bhojpuripanchayatlive.com/June-Cover.pdf से डाउनलोड कर सकीलें.
सहयोग भेजला का बाद आपन एगो फोटो आ परिचय
18 जुलाई 2023
24 अप्रैल 2024
अच्छा त ना लागी बाकिर हमरा समझ में ई पत्रिका ठीक नइखे। हमरो लगे ईमेल से पहुँचल रहे।