एगो पुरान कविता केे पंक्ति हवेे कि –
दुश्मनी ऐसी करो कि जब कभी हम दोस्त बन जाऐ तो शर्मिन्दा न हों !
बाकिर अकसरहाँ राजनीति में लोग सामाजिक नीतियन के भुला जाला. अगल-बगल घेेरलेे चाटुकारन केे टोली अइसन सिखा-पढ़ा देेलेेंं कि ओह लोग केे लागेे लागेेला कि बस अगिला सम्राट हमरेे बनेे के बा.
सन 14 का चुनाव मेें तेलुगू देशम पार्टी राष्ट्रीय जनतांत्रिक गठबन्धन (राजग) मेें शामिल रहुवेे आ चन्द्रबाबू नायडू राजग केे कोआर्डिनेेटर रहलेें. बाकिर साल 19 आवत-आवत उनुका मतिभरम हो गइल कि मोदी अबकी के चुनाव ना जीत पइहेें. नायडू के एह मतिभरम का पीछेे खुद भाजपा केे बड़का नेेतवन केे राय रहुवेे जेे भाजपा केे बहुमत ना आवेे दीहल चाहत रहलेें. तब नायडू के उहे गलतफहमी हो गइल कि बस अब त मोदी विरोधियन के सरकार बने वाली बिया आ ओह सूरत मेें पीएम पद के उम्मीदवारियो हासिल कइल जा सकेला. अइसने गलतफहमी बिहार केे जदयू नेेता नीतीशो कुमार के हो गइल. उनुका केे सिखा-पढ़ावेे लगलन स कि इहे मौका बा विपक्ष मेें आ जाए केे आ ओकरा बाद त बस रउए पीएम बनब. काहेें कि कांग्रेेस केे हालत खराब बा आ राहुल के पीएम उम्मीदवार घोषित करेे केे हिम्मत काग्रेसो के नइखे होखत. साँच कहीं त नीतीश कुमार का पक्ष मेंं बहुतेे कारक मौजूद रहुवेे. उनुकर छवि एगो साफ-सुथरा नेेता केे हवेे आ उनुका पर भठियरपन केे भा परिवारवादो के अछरंग नइखे लागल कबो. नायडूओ केे तब अइसनेे लागल होखी आ ऊ राजग छोड़ केे मोदी विरोधियन के जुटान करेे लगलेें. नीतीश के त तुरतेे भान हो गइल कि ससुरा हमरा के बुड़बक बना केे आपन उल्लू सोझ करे में लागल बाड़े सँ. आ समय रहते ऊ आपन गलती सुधार लिहलन. बाकिर नायडू के आपन गलती बहुती देर का बाद बुझाइल आ जब बुझाइल तबलेे बहुते देर हो चुकल रहुवेे. ऊ मोदी आ भाजपा का खिलाफ अइसन-अइसन बोली बोलेे लागल रहलेें जवना केे महटियावल केेहू केे बस मेें ना होखेे. कम से कम नीतीश अइसन गलती ना कइलन. भाजपा का खिलाफ ऊ कुछऊ बोललेे होखसु बाकिर मोदी खातिर कबो अपशब्द ना बोललन.
अब मीडिया नायडू केे इयाद करावेे लागल बावेे कि कबो नायडू मोदी केे आतंकवादी बतवलेे रहलन. अपना ट्वीटर अकाउन्ट पर 16 अप्रैैल 2019 केे ट्वीटलेे रहलन कि – मोदी देेश केे संस्थन केे सुनियोजित तरीकन सेे बरबाद क दिहले बाड़न. भाजपा के शासन में संस्थन के स्वायतता आ लोकतांत्रिक व्यवस्थन पर हमला हो रहल बा.
लिखलेे रहलन कि, सीबीआई सेे आरबीआईए ना संंवैधानिक अधिकार वाला निर्वाचनो आयोग केे एह हमला में छोड़ल नइखे गइल.
बाकिर आजु नायडू केे तेेलुगू देशम पार्टी के गठबन्हन भाजपा सेे होखे केे बाकायदा एलान हो गइल. ई गठबन्हन करवावेे मेें जनसेेना पार्टी के पवन कल्याण के बड़का हाथ रहल बा. एकरा केे रेघरियावल बेेजाँय ना कहाई कि नायडू पिछला कई महीना सेे लागल रहलन बाकिर मोदी आ शाह उनुका के माफ करे का मूड मेें ना रहलेें. आ अब नायडुओ मान गइल होखिहेें कि – दुश्मनी ऐसी करो कि जब कभी हम दोस्त बन जाऐ तो शर्मिन्दा न हों ! आ भोजपुरी केे एगो पुरान कहाउत सटीक रही कि – बजलऽ ऐ शंख बाकिर नायडूजी के पदा केे !
Chandrababu Naidu, Narendra Modi and Pawan Kalyan to share stage after 10 years on 17th March.#EndOfYCP #TDPBJPAlliance#TDPJanasena pic.twitter.com/nn4alZRSov
— Saikrishna Chowdary (@msk__chowdary) March 9, 2024
0 Comments