दू दिन पहिले अपना स्वामी (भा स्वामिन) भक्ति ला मशहूर टीवी चैनल बाकायदा ट्वीटियाइल कि ऊ राहुल गाँधी के एगो जोरदार बेबाक सोझा सोझी प्रसारित करे वाला बा. ओह सोझासोझी के कुछ हिस्सा परोसबो कइलसि अपना ट्वीटर खूटा पर. बाकिर जब सब कुछ हो गइल तब पता ना कवना कारण ओह सोझासोझी के टीवी पर ना देखावे के फैसला ले लीहल गइल.
कुछ लोग कहत बा कि सोझासोझी राहुल के पप्पू इमेज अतना जोरदार आ बेबाकी से देखावे जात रहल कि ओकरा के देखावे से मना कर दीहल गइल. वइसहूं राहुल के भाषण भा बयानन से सही सही मतलब निकाल लेबे वाला विद्वान अबहीं ले सामने नइखे आइल.
आंकड़ा आ गिनिती से त राहुल भवे-भसुर वाला रिश्ता राखेलें. भरसक फरका रहे के कोशिश करेलें. 72 हजार कब 32 लाख हो जाई, कहाँ से 25 हजार करोड़ लोग पैदा हो जाई, अठन्नी के खरीददारी में साढे सात रुपिया के बेइमानी हो जाई एह सब से उनुका कबहूं मतलब ना रहल. आ दरबारियन के टोल एह मतिसुन्न अधबूढ़ लड़िका के समझावहूं के हिम्मत ना राखे.
बाकिर सोझासोझी लिहला का बाद ओकरा के प्रसारित ना करे के फैसला एनडीटीवी के मलद्वार के घाव बन के रहि गइल बा. ना देखावे जोग बा ना बरदाश्त करे जोग. तरह तरह के बयानबाजी हो रहल बा कि सोझासोझी रहबे ना कइल ई. अलग बाति बा कि कांग्रेस ओकरा वीडियोग्राफी जरुर कइले रहुवे बाकिर चैनल के पँहुच ओह रिकार्डिंग ले नइखे. अब या त चैनल ई मानि के चलत बा कि पूरा देश कांग्रेसियने का तरह मंदबुद्धि मतिसुन्न हो गइल बा आ ऊ एह बाति के बेझिझक मान ली कि टीवी चैनल वीडियो रिकार्डिंग नइखे करवले.
0 Comments