सनोज मिश्रा निर्देशित फिल्म द डायरी ऑफ वेस्ट बंगाल के ट्रेलर पिछला 30 जनवरी को रिलीज़ हो गइल बा. जल्दिए एकरा के सिनेमोहालन में रिलीज कइल जाई.
ई फिलिम पश्चिम बंगाल में हिंदूवन के हालात आ ओह लोग पर भइल अत्याचारन पर बनावल गइल बा. एह फिलिम के कई एक दृश्य अतना वीभत्स आ भयावह बा कि देखेवालन के खुन खौल सकेला.
द डायरी ऑफ वेस्ट बंगाल में बंगलादेश आ म्यांमार से आइल घुसपैठियन के कइल अपराध, ओहनी के दीहल जात राजनीतिक संरक्षण, आ ओकरा सहारे राजनीतिक खेला करे के दृष्टांतो बावे.
फिल्म में कहानी के प्लॉट त बढ़िया आ रेघरियावे जोग बा बाकिर ट्रेलर कुछ जगहन पर तकनीकी रूप से कमजोर लागत बा. बैकग्राउंड स्कोर ठीकठाक बा आ फिल्मोग्राफिओ कुछ हद ले एकरा के बरियार करत बा.
वसीम रिजवी फिल्म्स के बैनर तर बनल एह फिल्म – द डायरी ऑफ वेस्ट बंगाल – के निर्माता वसीम रिजवी उर्फ़ जितेंद्र नारायण सिंह, आ लेखक-निर्देशक सनोज मिश्र हउवन. फिल्म के कलाकारन में अर्शिन मेहता, यजुर मारवाह, दीपक कंबोज, अल्फिया शेख, गरिमा कपूर, रीना भट्टाचार्य, गौरी शंकर, देव फौजदार, अनिल अंजुनिल, संजू सोलंकी, डा रामेंद्र चक्रवर्ती, दीपक सूठा, जितेंद्र नारायण सिंह, जनार्दन सिंह मयूर, अनुज दीक्षित, नीत महल जइसन मजल कलाकार शामिल बाड़ें.
फिल्म के सह निर्माता क्षत्रपाल सूर्यवंशी, संजय कुमार, आ अर्जुन सिंह, छायाकार सत्यपाल सिंह, संपादक रंजीत प्रसाद, अउर संगीतकार ए आर दत्ता हउवें.
(स्रोत – हंगामा मीडिया के संजय भूषण पटियाला)
0 Comments